Dengdana semînara Serok Bafil Celal Talabanî di medyaya Erebî de
Kurdistan 02:27 PM - 2023-03-02
Mekteba Ragihandinê ya Serok
Serok Bafil Talebanî
Serokê Yekîtiya Niştimanî ya Kurdistanê Bafil Celal Talebanî di semînarekê de ku di çarçoveya beşdariya di dîdgeha salane ya Hewlêrê de behsa gelek mijarên girîng ên Herêma Kurdistanê, Êraq û navçeyê kir.
Ev helwêstên eşkere, ku jêderên nehevsengiyê û rêyên çareser kirina wan diyar dikin ji aliyê rojname û medyayên Êraqî û Erebî ve hatin pêşwazîkirin û gelek pesnê wan hat dayîn.
Bafil Talebanî: Çareserkirina pirsgirêkên li herêmê 5 deqeyan digireAjansa Independent Press nûçeyek belav kir û tê de nivîsîbû ku Serokê Yekîtiya Niştimanî ya Kurdistanê Bafil Celal Talebanî tekezî li ser çareser kirina kêşe û cudahiyên navxweyî yên Herêma Kurdistanê kir û amaje bi vê yekê jî kir ku deriyên Yekîtiya Niştimanî ji bo diyalog û danûstandinê vekirîne.
Got jî: Serokê Yekîtîya Niştîmanî dupat kir ku rewşa niha pêdivî bi vînake bihêz heye bo derbaskirina wê, û tenê bi vînek bihêz dê kêşe di nava pênc xulekan de bên çareser kirin ji ber ku ev kêşe biçûkin.
Talebanî hişyarî dide ku aliyên navdewletî dev ji navbeynkariyê berdinAjansa niştimanî ya Êraqê raportek li ser axavtina Bafil Celal Talebanî belav kir û tê de got: Serokê Yekîtiya Niştimanî hişyarî da ku dîvê aliyên navdewletî ku dev ji navbeynkariyê bo çareserkirina pirsgirêkên navxweyî yên herêmê berdin.
Ajansê ragihand: Serokê Yekîtiya Niştimanî di dirêjiya axaftina xwe de tekez li ser vê yekê kir ku em hertim destpêşxeriya çareserkirina kêşe û qeyranan in û deriyên me jî ji bo wê yekê vekirî ne, ji ber ku Yekîtiya Niştimanî ji rewşa navçeyê dilgiran e, ji ber ku gel di dawiyê de zîyan dibîne.
Destpêşxeriya Bafil qeşaya navbera partiyên Kurdistanê dihelîneRojnameya El-Ereb di nûçeyeke xwe de dibêje Serokê Yekîtiya Niştimanî Bafil Celal Talebanî destpêşxeriyek ji bo destpêkirina diyalog û danûstandinan di navbera Yekîtiya Niştimanî û Partiya Demokrat de pêşkêş kir, ku çavdêran gotin wê bibe alîkar ku qeşa di navbera her du partiyan de piştî çend mehan ji alozbûna berdewam û nakokiyên medyayî bihele.
Rojnameyê her wiha got: Serokê Yekîtiya Niştimanî di dema beşdariya xwe di dîdara salane ya Hewlêrê de got, tenê eger vîneke bihêz hebe dê pirsgirêkên niha yên navçeyê di nava pênc xulekan de bên çareserkirin û hişyarî da ku dibe ku paşxistina van pirsgirêkan nehêlin hilbijartinên qanûnî bên kirin.
Bafil Talebanî amadebûna xwe bo rêkeftina ligel Bexdayê ragihandKanala El-Sumariye News dibêje: Serokê Yekîtiya Niştimanî ya Kurdistanê Bafil Celal Talebanî amadebûna xwe ji bo lihevkirina ligel Bexdayê li ser mijara petrolê ragihand.
Wê kanalê her wiha got: Talebanî teqez kir: "Pirsgirêkên me yên siyasî kêm in, em bi giranî di warê xizmetkirina xelkê de tûşî kêşeyan dibin, ne rast e ku em rê bidin van pirsgirêkan berdewam bin û daxwaz kir ku îro beriya sibê pirsgirêkan çareser dikin ji ber ku xelkê deverê rasti van kêşeyan dibin, Hewlêr nêzîkê şandina mirovan bo fezayê ye, li Silêmaniyê jî li cîhê xwe ne.
Bafil Celal Talebanî: Yekîtiya Niştimanî dest ji Kerkûkê bernade
Malpera El-Rasid El-Êraqî di nûçeya xwe de dibêje, Serokê Yekîtiya Niştimanî Bafil Celal Talebanî gotiye, Yekîtiya Niştimanî li gor madeya 140 ya destûrê dest ji Kerkûkê bernade.
Rojnameyê her wiha got: Serokê Yekîtî tekez kir rewşa gelê me xirab e lê derfetek zêrîn heye ku em bi hev re kar bikin û gelê xwe bi pêş bixin, bi taybetî ku gaz û şiyanên me hene û em mirovên zîrekin.
Bafil Celal Talebanî: Nakokiyên kurdan çareser dibinNûçegihaniya Şefeq dibêje: Serokê Yekîtiya Niştimanî Bafil Celal Talebanî tekezî li ser wê yekê kir, ku kêşeyên Kurdan di nava pênc xulekan de dikarin bên çareserkirin û amaje bi wê yekê jî kir ku partiya xwe dixwaze hilbijartinên Parlamentoya Herêma Kurdistanê pêk bîne.
Ajansê amaje bi wê yekê jî kir ku Bafil Celal Talebanî herwiha tekez kir ku YNK naxwaze vê rewşa ku em tê re derbas bibin, ji ber ku xelkê mexdûr bûne, em dixwazin hilbijartinan bikin û em ji bo wan amade ne mijarên ku bûne pirsgirêk di pênc deqeyan de çareser dibin.
PUKMEDIA
hewal ziyatr
-
Encumena Nûneran dê hefteya bê serokê xwe hilbijêre
04:50 PM - 2024-05-09 -
Hêzên Dijî Terorê û Koalîsyonê 3 terorîst girtin
11:40 PM - 2024-05-08 -
Serok Bafil ji Dengê Amerîka re got: Hêzên Amerîkî yekser ji Îraqê dernakevin
10:58 PM - 2024-05-08 -
Daxwazên bazirganên bazara Qeyser li Hewlêrê rewa ne
09:22 PM - 2024-05-08
zêdetir tamaşe bike
Kurdistan 09:52 PM - 2024-05-09 Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Qubad Talebanî: Paşxistina hilbijartinan zirarê dighe pêgeha Herêmê
07:40 PM - 2024-05-09
Serok Bafil: Têkiliyên me bi welatan re ji bo bidestxistina berjewendiyên neteweyî ne
04:39 PM - 2024-05-09
Berpirsê navenda yasayî: Nêta Partî paşxistina hilbijartinan e
10:28 AM - 2024-05-09
Serok Bafil: Baweriya min bi diyaloga bi dijminan re heye
09:08 PM - 2024-05-08
zortrin xwendraw
-
Berpirsê navenda yasayî: Nêta Partî paşxistina hilbijartinan e
Kurdistan 10:28 AM - 2024-05-09 -
Qubad Talebanî: Astengkirina hilbijartinan paşeroja welatê me dixe ber çarenivîseke ne diyar
Kurdistan 09:52 PM - 2024-05-09 -
Qubad Talebanî: Paşxistina hilbijartinan zirarê dighe pêgeha Herêmê
Kurdistan 07:40 PM - 2024-05-09 -
Serok Bafil: Têkiliyên me bi welatan re ji bo bidestxistina berjewendiyên neteweyî ne
Kurdistan 04:39 PM - 2024-05-09 -
Encumena Nûneran dê hefteya bê serokê xwe hilbijêre
Kurdistan 04:50 PM - 2024-05-09