ئەمریكا:پاڵپشتی ئێزدییەكانین

.

كونسوڵخانەی ئەمریكا لە هەولێر بەبۆنەی تێپەڕبوونی شەش ساڵ بەسەر كۆمەڵكوژی و جینۆسایدی كوردانی ئێزیدی لەشەنگال رایگەیاند:پاڵپشتی لە بنیاتنانەوەی كۆمەڵگای ئێزدی دەكەین.

ئەمڕۆ 3ی ئابی 2020 كونسوڵخانەی ئەمریكا لەهەولێر رایگەیاند: ئەمڕۆ 3ی ئاب ساڵڕۆژی یادی جینۆسایدكردنی ئێزدیانی بێتاوانە لەلایەن تیرۆستانی داعشەوە. راشیگەیاند: ولایەتە یەكگرتووەكانی ئەمریكا پاڵپشی كۆمەڵگای ئێزیدییەكان دەكات بۆ خۆبونیاتنانەوە و ئاوەدانكردنەوەی ناوچەكانیان لەدوای هەڵمەتە پلان بۆ داڕێژراوەكەی ساڵی 2014.

راشیگەیاند: حكومەتی ئەمریكا لەساڵی 2018دا یاسای بەهاناوەچوونی قوربانیانی جینۆسایدو لێپرسینەوە لەناو عیراق دەركرد، بەمەبەستی دڵنیابوون لەوەی ئەو هاوكارییە مرۆیییانەی بۆ  هاووڵاتیانی عیراق و سوریا و سەقامگیربوونیان تەرخان كراوە، دەگاتە ئەو پێكهاتە و كۆمەڵگە ئیتنیكییانەی كە زۆرتر پێویستییان پێیەتی، لەنێویاندا ئەو پێكهاتانەی كە رووبەڕووی زوڵم و چەوساندنەوە بوون یاخود تاوانەكانی جەنگییان دەرهەق پێكراوە.

كونسوڵخانەی ئەمریكا ئاماژەی بەوەشدا: پارێزگاریكردن لەو كۆمەڵگایانەی مەترسییەكانی توندوتیژییان لەسەرە، لەپێشینەی كارەكانی مافی مرۆڤی حكومەتی ئێستای ئەمریكایە.

PUKmedia