وه‌زیری پلاندانان: هه‌رێم و به‌غدا ڕێككه‌وتوون ‌

.

وه‌زیری پلاندانانی هه‌رێمی كوردستان ڕایده‌گه‌یه‌نێت كه‌ پڕۆژه‌ی چاكسازیی ئاماده‌یه‌ و له‌ زووترین كات ڕه‌وانه‌ی په‌رله‌مانی كوردستان ده‌كرێت به‌مه‌به‌ستی په‌سه‌ندكردنی.

به‌یانی ئه‌مڕۆ دووشه‌ممه‌ 2-12-2019  د. دارا ڕه‌شید وه‌زیری پلاندانانی هه‌رێمی كوردستان له‌ كۆنفرانسێكی ڕۆژنامه‌وانیدا له‌ هه‌ولێر ڕایگه‌یاند: پڕۆژه‌یه‌كی گشتگیریان بۆ چاكسازی ئاماده‌ كردووه‌ و به‌ زووترین كات ڕه‌وانه‌ی په‌رله‌مانی كوردستان ده‌كرێت و له‌ ساڵی 2020 وه‌ ده‌چێته‌ بواری جێبه‌جێكردنه‌وه‌ و له‌ پڕۆژه‌كه‌دا گرنگی زیاتر به‌ كه‌رتی كشتوكاڵ و په‌روه‌رده‌ و ته‌ندروستی دراوه‌.

سه‌باره‌ت به‌ گفتوگۆكانی نێوان هه‌رێم و به‌غدا وتیشی: له‌ئێستادا هه‌رێم و به‌غدا ڕێككه‌وتوون و هیچ كێشه‌یه‌ك نه‌ماوه‌ و هه‌روه‌ها ئاماژه‌ی به‌وه‌شدا كه‌ به‌رده‌وام ده‌بن له‌ ئاماكارییه‌كان بۆ به‌ڕێوه‌بردنی سه‌رژمێری گشتی.

PUKmedia تایبه‌ت