سێ تۆمه‌تبار ده‌ستگیر ده‌كرێن

.

پۆلیسی گه‌رمیان سێ تۆمه‌تبار به‌تۆمه‌تی دزیكردن ده‌ستگیرده‌كات.

له‌و باره‌یه‌وه‌ رائیدی مافپه‌روه‌ر عه‌لی جه‌مال قدووری لێپرسراوی راگه‌یاندنی پۆلیسی گه‌رمیان رایگه‌یاند: دوای ئه‌وه‌ی سكاڵای چه‌ند هاووڵاتیه‌ك و ئاگاداركردنه‌وه‌ی پۆلیس له‌چه‌ند حاڵه‌تێكی دزیكردن له‌ناحییه‌ی ڕزگاری سه‌ربه‌قه‌زای كه‌لار دوای لێكۆڵینه‌وه‌و به‌دواداچوون پۆلیسی ناحییه‌ی ڕزگاری، سێ تۆمه‌تبار به‌تۆمه‌تی دزیكردن ده‌ستگیركرد.

وتیشی: دوای لێكۆڵینه‌وه‌ له‌گه‌ڵیاندا دانیان به‌چه‌ند حاڵه‌تێكی دزیكردندا ناوه‌ له‌وانه‌ دزینی ماتۆڕسكیل و مۆبایل و مۆلیده‌و په‌له‌وه‌رو چه‌ندین كه‌ره‌سته‌ی تر كه‌پێكه‌وه‌ له‌ناحییه‌ی ڕزگاری ئه‌نجامیانداوه‌ له‌ئێستادا به‌بڕیاری دادوه‌ربه‌پێی ماده‌ی 443 به‌ندكراون و لێكۆڵینه‌وه‌ له‌گه‌ڵیاندا به‌رده‌وامه‌.

PUKmedia راگه‌یاندنی پۆلیسی گه‌رمیان