دوو پەیمانگا لە چەمچەماڵ كرایەوە

خوێندكاران دەتوانن داواكانیان پێشكەش بكەن

بەئامادەبوونی قائیمقامی چەمچەماڵ‌و بەڕێوەبەری پەروەردە دوو پەیمانگا لە شاری چەمچەماڵ كرایەوە.

لەسەرەتای كردنەوەی پەیمانگاكاندا ئامانج محەمەد قائیمقامی چەمچەماڵ بە PUKmedia ی راگەیاند: ئێستا لە شاری چەمچەماڵدا سێ پەیمانگا هەیە، ئەو پەیمانگایانەش گرنگی خۆی بۆ شاری چەمچەماڵ هەیە‌و ئیدارەی شارەكەش بەهەموو شێوەیەك هاوكاری پێشكەش بەدوو پەیمانگایە دەكات لەپێناو زیاتر بەرەو پێشچوون لەو پەیمانگایانەدا.

لای خۆشیەوە، هیدایەت جەمال لێپرسراوی بەشی راگەیاندنی پەرورەدەی چەمچەماڵ، بۆ PUKmedia وتی: هەریەك لە پەیمانگای كۆمپیوتەرو وەرزشی كە ئەمڕۆ لەشاری چەمچەماڵ كراوەتەوە گرنگیەكی زۆری هەیە بۆ خوێندكارانی دەرچووی قۆناغی نۆی بنەڕەتی دەبێت‌و، خوێندكاران دەتوانن داواكاری پێشكەش بكەن بۆ ئەوی لەو پەیمانگایانە وەربگیرێن.

وتیشی: خوێندن لەو دوو پەیەمانگایەدا پێنج ساڵەو دەرچوانی پەیمانگانیش دەبنە هەڵگری بڕوانامەی دبلۆم.

PUKmedia هەردی ئەبوبەكر - چەمچەماڵ