}

سەرۆك بافڵ تاڵەبانی پێشوازی لە حەیدەر عەبادی دەكات

ی.ن.ک‌‌ 12:53 PM - 2021-07-12

.

سەرۆك بافڵ تاڵەبانی، لەدەباشان پێشوازیكرد لە حەیدەر عەبادی، سەرۆكی ھاوپەیمانی نەسر و سەرۆكوەزیرانی پێشووتری عیراق.

لە دیدارێكدا گفتوگۆ لەبارەی پەرەسەندە سیاسییەكانی ھەرێم و عیراق و ناوچەكە كرا و ھەڵبژاردنی پێشوەختەی ئەنجوومەنی نوێنەرانی عێراق تاوتوێ كرا. جەخت لە رەخساندنی زەمینەی لەبار و كەشێكی گونجاو بۆ ئەنجامدانی ھەڵبژاردنێكی پاك و بێگەرد كرایەوە كە ببێتەمایەی سەقامگیری سیاسی و رەزامەندی ھەموولایەنەكان.

بافڵ تاڵەبانی بۆ كۆی ھاوكێشەكان نەخشەڕێگا و ستراتیژی نیشتمانیی و روونی یەكێتی خستەڕوو و یەكخستنی ھێز و توانا و بۆچوونە جیاوازەكانی دووپاتكردەوە بۆ زاڵبوون بەسەر تەحەددییەكان و گەیشتن بەچارەسەری ریشەیی كێشەكان لەنێوان ھەرێم و عێراق.  

لەبارەی هەرێمی كوردستانەوە سەرۆك بافڵ رایگەیاند، دەمانەوێت ماڵی كورد رێكبخەینەوە و دیدی ھاوبەشمان ھەبێت بۆ پرسەكان. پێكەوە كوردستان بەرەو كەناری ئارامی و سەقامگیری ببەین، بۆ ئەوەش پێویستمان بە برا و هاوڕێكانمان دەبێت لە ھێزە شیعی و سوننەكان و سەرجەم هێز و لایەنەكانی تر كە پشتیوانمان بن و پێكەوە وڵاتێكی دامەزراوەیی بونیادبنێن و گیانی لێبوردەیی و پێكەوەژیان ببووژێنینەوە. ئەمەش ئەو سیاسەتەیە كە یەكێتی پەیڕەوی دەكات.

PUKmedia نووسینگەی رۆژنامەوانیی بافڵ تاڵەبانی

ئەمانەش ببینە

زۆرترین خوێنراو