مەکتەبی سکرتارییەت فەرماندە و تێکۆشەرێکی دێرینی بەسەرکردەوە

راگەیاندنی مەکتەبی سکرتارییەت

مەکتەبی سکرتارییەت عێزەت شەمساوایی بەسەرکردەوە

مەکتەبی سکرتارییەتی سەرۆک مام جەلال لە شاری سلێمانی، سەردانی کەسایەتیی دیاری ناوچەی شارباژێڕ و فەرماندە و تێکۆشەری دێرین، هەڤاڵ عێزەت ساڵح ئەحمەد ناسراو بە ( عێزەت شەمساوایی ) یانکرد.

لەو بەسەرکردنەوەیەدا، مەکتەبی سکرتارییەت بە شکۆوە ئاوڕیان لە ڕابردووی پاک و پڕ لە شانازیی هەڤاڵ عێزەت ساڵح دایەوە، وەک فەرماندەیەکی قارەمان و خاوەن ورەیەکی پۆڵایینی ڕۆژگارە سەختەکانی خەباتی شاخ، کە لە سەنگەرەکانی بەرگریدا هەمیشە بازوویەکی بەهێز و پتەوبوو.
 
لە بەرامبەر ئەو رابردوو پڕ لە شانازییەدا،  مەکتەبی سکرتارییەت چەپکە گوڵی ڕێز و وەفاداریی سەرۆک بافڵ و هەڤاڵ قوباد تاڵەبانییان پێشکەش کرد و هیوای تەندروستییەکی باشتریان بۆخواست.

لای خۆییەوە، هەڤاڵ عێزەت ساڵح وێڕای دەربڕینی سوپاس و پێزانینی خۆی بۆ ئەم بەسەرکردنەوەیە، جەختی کردەوە کە لە هەر کات و شوێنێکدا پێویستییەک هەبێت، بە هەمان گڕووتینی ڕابردوو، وەک پێشمەرگەیەکی دڵسۆزی گەلی کورد و یەکێتیی نیشتمانیی کوردستان لە خزمەتدا دەبێت.

PUKMEDIA