دوزان تەكال خەڵاتی نێودەوڵەتیی زمانی شین-ی ئەڵمانیای بەدەستهێنا

PUKMEDIA

دوزان تەكال، رۆژنامەنووس و چالاكوانی كورد و ئێزیدی

دوزان تەكال، رۆژنامەنووس و چالاكوانی كورد و ئێزیدی، بەهۆی خزمەتە مرۆیی و چالاكییە كاریگەرەكانییەوە لە كۆمەڵگەدا، خەڵاتی نێودەوڵەتیی "زمانی شین" (Blaue Zunge)-ی ئەڵمانیای پێبەخشرا.

خەڵاتی نێودەوڵەتیی "زمانی شین"، ساڵانە لەلایەن ئەڵمانیاوە دەبەخشرێتە ئەو كەسایەتییە بوێرانەی كە توانیویانە كاریگەریی ئەرێنی و گۆڕانكاریی جەوهەری لە كۆمەڵگەدا دروست بكەن، وەك دانپێدانانێك بەو ڕێچكە درێژەی دوزان تەكال لە بواری بەرگریكردن لە مافەكانی مرۆڤ، داكۆكیكردن لە دۆزی ئێزیدییەكان، روبەڕوبوونەوەی ڕق و كینە و توندڕەوی لە ئەڵمانیا و ئاستی جیهانیدا دەژمێردرێت.

دوزان تەكال وەك یەكێك لە دەنگە دیارەكانی مافی مرۆڤ لە ئەوروپا ناسراوە، كە لەڕێگەی كارە میدیایی و چالاكییە مەدەنییەكانییەوە توانیویەتی بەهاكانی لێبوردەیی و پێكەوەژیان برەو پێبدات و سەرنجی ناوەندە نێودەوڵەتییەكان بۆ سەر كێشە هەستیارەكان ڕابكێشێت.

شایەنی باسە، ئەم خەڵاتە پێگەی دوزان تەكال وەك نموونەیەكی ژنی چالاكوانی كورد بەهێزتر دەكات و دەبێتە پاڵنەرێك بۆ بەردەوامبوونی لەو خەباتە مرۆییەی كە ساڵانێكە لە پێناویدا تێدەكۆشێت.

 PUKMEDIA