ئەمشەو تاوەباران و هەورەبروسكە زۆرینەی ناوچەكان دەگرێتەوە

میدیاکان

تاوەباران

بەڕێوەبەرایەتیی گشتیی كەشناسی و بوومەلەرزەزانیی هەرێمی كوردستان رایگەیاند، ئەمشەو لە زۆرینەی ناوچە جیاجیاكان و سەنتەری پارێزگاكان و ئیدارە سەربەخۆكان و ناوچە شاخاوییەكان، تاوەباران و هەورەبروسكە دەستپێدەكات، لە هەندێك كاتیشدا لێزمەبارانی كورتخایەن دەبارێت.

ئاماژەی بەوەشكرد، بەهۆی چالاكبوونی با، خۆڵبارین ناوچەكانی ئیدارەی گەرمیان، پارێزگای كەركوك و دەشتاییەكانی هەولێر دەگرێتەوە.

لەبارەی كەشوهەوای سبەینێشەوە، كەشناسیی هەرێم پێشبینی دەكات كاریگەریی ئەم شەپۆلە كەم ببێتەوە و تەنها ئەگەری كەمێك باران و هەورەبروسكە لەسەر لوتكەی ناوچە شاخاوییەكان بمێنێتەوە.

PUKMEDIA