بڕیار لەچارەسەرکردنی کێشەی پیسبونی ئاوی تانجەرۆ درا

راگەیاندنی پارێزگاری سلێمانی

بەشێک لە کۆبونەوەکە

چارەسەرکردنی کێشەی پیسبونی ئاوی تانجەرۆ بەرپرسانی سلێمانی کۆدەکاتەوەو لەکۆبونەوەکەدا رێکاری پێویست بۆ چارەسەرکردن دیاریکرا و چاوەڕوانی بودجەی پێویست دەکرێت بۆ جێبەجێکردنی.

ئەمڕۆ، د.هەڤاڵ ئەبوبەکر پارێزگاری سلێمانی، لە نووسینگەی سلێمانی جێگری سەرۆکی ئەنجومەنی وەزیرانی حکومەتی هەرێمی کوردستان، بەشداریکرد لە سێیەمین کۆبوونەوەی تایبەت بە چارەسەرکردنی پیسبوونی ئاوی ناوچەی تانجەرۆ و چارەسەرکردنی سەرچاوەکانی پیسبوون و ئاوی قورس و پاشماوەکانی شاری سلێمانی.

لە کۆبوونەوەکەدا رێکاری پێویست بۆ چارەسەرکردنی پیسبوونی ئاوی تانجەرۆ دانراو ئەرک و بەشداریی و بەرپرسیارێتیی هەموو لایەنە پەیوەندیدارەکان دیاریکران.

هاوکات چاوەڕوان دەکرێت بودجەی پێویست بۆ پڕۆژەی وێستگەی گشتیی چارەسەرکردنی ئاوی قورسی سلێمانی تەرخان بکرێت.

PUKMEDIA