کەشناسی: پلەکانی گەرما بەرزدەبنەوەو باران دەبارێت

PUKMEDIA

کەشوهەوا

کەشناسی عیراق پێشبینی بەرزبونەوەی پلەکانی گەرما دەکات، لە هەفتەی داهاتوەوەو هاوکات پێشبینی دابارین و هەورە تریشقەش دەکات لەهەندێک کاتی جیاجیادا.

دەستەی کەشناسیی عیراق ئەمڕۆ پێنجشەممە وردەکاریی دۆخی کەشوهەوای بۆ ڕۆژانی داهاتوو راگەیاند و پێشبینی بارینی باران و هەورەتریشقە و بەرزبوونەوەی پلەکانی گەرما دەکات لە هەفتەی داهاتوودا.

بەپێی راگەیاندنەکەی کەشناسی عیراق کەشوهەوای لە زۆربەی ناوچەکان نیمچە هەور دەبێت و هەندێکجار دەگۆڕێت بۆ هەوری تەواو، هاوکات پێشبینی دەکرێت لە هەندێک ناوچە باران ببارێت و هەورەتریشقە دروست ببێت، لەگەڵ ئەوەشدا  لە هەفتەی داهاتووەوە پلەکانی گەرما روو لە بەرزبوونەوە دەکەن.

ئەمەش لەکاتێکدایە کەش و هەوا لە شارەکانی هەرێم لە هەفتەی داهاتوودا، هەور و خۆر دەبێت و ئەگەری نمە باران هەیە لەکاتە جیاجیاکاندا، بەتایبەت لەناوچە شاخاوییەکان، لەگەڵ ئەوەش پلەکانی گەرما لەناوەڕاستی هەفتەی داهاتوەوە روولە بەرزبونەوە دەکەن.

PUKMEDIA