ژوان سابیر: بەبیرۆکەی نوێ گەشت و گوزار پێشدەخەین

PUKMEDIA

ژوان سابیر سەرۆکی دەستەی گەشت و گوزار بەوەکالەت

ژوان سابیر سەرۆکی دەستەی گەشت و گوزار بەوەکالەت، پەیامێکی لەسەر دەستبەکاربوونی بڵاوکردەوە و سوپاسی قوباد تاڵەبانی جێگری سەرۆکوەزیرانی هەرێم دەکات بۆ بەخشینی ئەو متمانەیە و دووپاتیشی دەکاتەوە، هەموو کات دەرگای واڵا دەبێت بۆ هەر بیرۆکەیەک کە گەشتوگوزار پێشدەخات.

دەقی پەیامەکەی ژوان سابیر سەرۆکی دەستەی گەشت و گوزار بەوەکالەت:

*بەرپرسیارییەتی نوێ و خزمەتی نوێ*

خۆشحاڵم کە سەڕای کارەکەم وەک بەڕێوەبەری نوسینگەی جێگری سەرۆکی ئەنجومەنی وەزیران، ئەمڕۆ دەستبەکار بووم وەک سەرۆکی دەستەی گەشتوگوزار لەحکومەتی هەرێم (بەوەکالەت).

هەموو هەوڵی خۆم دەدەم لەگەڵ هاوڕێکانم لەحکومەت و بەتایبەت بەڕێوبەرایەتی و بەڕێوبەرایەتییە گشتییەکانی دەستە لەپێناو برەودان بە گەشتوگوزار لەهەرێمی کوردستان کە پانتاییەکی فراون و زەمینەیەکی لەباری هەیە بۆ ئەو سێکتەرە.

پێشتریش وتوومانە گەشتوگوزار سەبەتیەکی بەردەستە بۆ بەهێزکردنی کەرتی تایبەت و کەرتی گشتیش، بۆیە لەمڕۆوە بەڵێنی ئەوەش دەدم کە؛ هەموو کات دەرگام واڵا دەبێت بۆ هەر بیرۆکەیەک کە گەشتوگوزار پێشدەخات و هەموو ئاسانکارییەک لەحکومەت دەکەین تاکو ئەو سێکتەرە بگەیەنینە ئەو ئاستەی کە گونجاوە لەگەڵ سروشتی هەرێمی کوردستان و ویستی ئێمەش و هاوڵاتیانیش.

سوپاسی خاتوو ئەمەل جەلال دەکەم کە ساڵانی رابردوو کاری کردووە لەپێناو پێشخستی گەشتوگوزار..

سوپاس بۆ جەنابی جێگری سەرۆک وەزیران قوباد تاڵەبانی کە ئەو متمانەیەی پێبەخشیم.

PUKMEDIA