کەشناسی: ناسەقامگیری کەش بەردەوامی دەبێت

PUKMEDIA

بارانی بەلێزمە

کەشناسی، کەشى پێشبینیکراوى 48 سەعاتی داهاتووی راگەیاند، بەپێی پێشبینییەکە ئەمڕۆ و سبەینێ بەشێوەی جیا جیا بارانبارین بەردەوام دەبێت.

لەڕاگەیەندراوێکدا بەڕێوەبەرایەتی کەشناسی و بوومەلەرزەزانی هەرێم رایگەیاند:  ئەمڕۆ سێ شەممە 7ی4ی2026، کەش بە گشتی باران بارین دەبێت و ناسەقامگیری کەش بەردەوامی دەبێت بە درێژای ئەمڕۆ، شێوازی دابارین بارانی مامناوەند و لێزمە بارانی پچڕ پچڕ و هەورە تریشقە لە هەندێ کاتدا.

کەشناسی ئاماژە بەوەشدەکات: پلەی گەرما نزم دەبێتەوە بە چەند پلەیەک.

 پەیوەست بە پێشبینییەکانی سبەینێ چوار شەممە 8ی4ی2026، ئەوە کەشناسی هەرێم ئاماژەی بەوە کردووە: کەش نیمچە هەور و ناوچە شاخاوییەکان هەوری زیاتر دەبێت، ئەگەری باران بارین لە ناوچەی جیا جیا بە تایبەت ناوچە شاخاوییەکان لە هەندێ کاتدا دەبێت و باران بە شێوەی بارانی بەهاری و گەواڵە باران دەبێت هەندێ ناوچە کەشەکەی سەقامگیر دەبێت.

بەرزترین پلەکانی گەرمای پێشبینیکراو بە پلەی سیلیزی
هەولێر: 19 پلەی سیلیزی
پیرمام: 16 پلەی سیلیزی
سۆران: 17 پلەی سیلیزی
حاجی ئۆمەران: 10 پلەی سیلیزی
سلێمانی: 18 پلەی سیلیزی
چەمچەماڵ: 19 پلەی سیلیزی
دهۆک: 18 پلەی سیلیزی
زاخۆ: 18 پلەی سیلیزی
هەڵەبجە: 19 پلەی سیلیزی
گەرمیان: 19 پلەی سیلیزی

PUKMEDIA