بارانبارین دەستپێدەکاتەوە

unsplash

دیمەنی دوای بارانبارین

کەشناسی، کەشى پێشبینیکراوى 48 سەعاتی داهاتووی راگەیاند، بەپێی پێشبینییەکە ئەمڕۆ ئاسمان ساماڵ و پەڵەهەور دەبێت و سبەینێش بارانبارین دەستپێدەکاتەوە  و چەند رۆژێک بەردەوام دەبێت بەوپێیەش رۆژانی جەژن باران دەبێت.

لەڕاگەیەنراوێکدا بەڕێوەبەرایەتی کەشناسی و بوومەلەرزەزانی هەرێم رایگەیاند: ئەمڕۆ چوار شەممە  18ی3ی2026، ئاسمان ساماڵ و پەڵە هەور ناوچە شاخاوییەکان نیمچە هەور  .

بەرزترین پلەکانی گەرمای پێشبینیکراوی ئەمڕۆ بە پلەی سیلیزی:

هەولێر: 18 پلەی سیلیزی
پیرمام: 14 پلەی سیلیزی
سۆران: 17 پلەی سیلیزی
حاجی ئۆمەران: 8 پلەی سیلیزی
سلێمانی: 18 پلەی سیلیزی
چەمچەماڵ: 19 پلەی سیلیزی
دهۆک: 18 پلەی سیلیزی
زاخۆ: 19 پلەی سیلیزی
هەڵەبجە: 20 پلەی سیلیزی
گەرمیان: 21 پلەی سیلیزی

هاوکات سبەینێ پێنجشەممە 19ی3ی2026 تا کاتەکانی نیوەڕۆ ئاسمان ساماڵ و پەڵە هەور دەبێت لە دوای نیوەڕۆ دەگۆڕێت بۆ نیمچە هەور، لە کاتەکانی ئێوارەی ڕۆژی پێنج شەممە شەپۆڵێکی باران بارین روو لە ناوچەکەمان دەکات، لە ئەنجامی کاریگەری نزمە پاڵە پاڵەپەستۆی دەریای ناوەڕاست سەرجەمی ناوچەکەمان دەکەوێتە ژێر کاریگەری ئەم شەپۆلە لەسەر ناوچە شاخاوییە بەرزەکان و قەزاو ناحیەکانی ناوچە شاخاوییەکانی پارێزگای هەولێر و ئیدارەی سۆران و ئیدارەی زاخۆ و بەشێک لە ئیدارەیڕاپەڕین باران بارین بەشێوەی نمە باران و هەندێ کات بارانی مامناوەند دەبێت و ئەگەری هەورە تریشقەش هەیە، سنووری باشووری پارێزگای هەولێر و بەشێک لە سنووری پارێزگای دهۆک و پارێزگای کرکووک لە کاتەکانی شەودا ڕێژەی باران بارینی زیاتر دەبێت و باران بارینی بە لێزمەی دەبێت .ئەگەری هەورە تریشقەش هەیە لە کاتی باران بارینی بە ڵێزمە .

بەرزترین پلەکانی گەرمای پێشبینیکراو بە پلەی سیلیزی:

هەولێر: 19 پلەی سیلیزی
پیرمام: 15 پلەی سیلیزی
سۆران: 18 پلەی سیلیزی
حاجی ئۆمەران: 9 پلەی سیلیزی
سلێمانی: 20 پلەی سیلیزی
چەمچەماڵ: 21 پلەی سیلیزی
دهۆک: 18 پلەی سیلیزی
زاخۆ: 19 پلەی سیلیزی
هەڵەبجە: 21 پلەی سیلیزی
گەرمیان: 23 پلەی سیلیزی

تێبینی /کاریگەری ئەم شەپۆڵەی کە سبەی دەست پێدەکات بۆ ماوەی چەند ڕۆژێک لەسەر ناوچەکەمان بەردەوامی دەبێت و لە ئەنجامی یەکگرتنی هەردوو نزمە پاڵە پەستۆی دەریای ناوەراست و دەریای سوور لە ماوەی ڕۆژی هەینی
 20ی3ی2026 لەگەڵ یەک شەممە  22ی3ی2026 کاریگەری ئەم شەپۆڵە بە باران بارین و چالاک بوونی خێرای باو هەورە تریشقەو بارانی بەلێزمە و بەرزبوونەوەی ئاستی ئاو لە هەندێ ناوچە بەراورد بە ڕۆژانی تر زیاتر دەبێت .

PUKMEDIA