بەفر و بارانبارین دەستپێدەکاتەوە

The University Qeensland

بارانبارین

کەشناسی، کەشى پێشبینیکراوى 48 سەعاتی داهاتوو راگەیاند، بەپێی پێشبینییەکە ئەمڕۆ و سبەینێ نمە باران دەستپێدەکات و ئەگەری بارینی بەفر لەناوچە شاخاوییەکان هەیە.

لەڕاگەیەنراوێکدا، بەڕێوەبەرایەتی کەشناسی و بوومەلەرزەزانی هەرێم رایگەیاند: ئەمڕۆ سێشەممە 23ی12 ی2025، ئاسمان ساماڵ و پەڵە هەور دەبێت ، لەکاتەکانی ئێوارە دەگۆرێت بۆ نیمچە هەور و هەوری تەواو بەتایبەت لە ناوچەکانی ڕۆژهەڵاتی هەرێم لەگەڵ بارینی کەمێک نمە باران لەو ناوچانە و هەروەها ئەگەری بارینی نمە باران هەیە لە ناوەڕاستی هەرێم لە کاتەکانی دەڕەنگانی شەودا، بەفریش دەبارێت لە ناوچە شاخاوییە بەرزەکانی رۆژهەڵاتی هەرێم.

خێراى با / لەسەرخۆ دەبێت (10-20) کم/ک
ئاراستەی با / باکووری خۆرهەڵات دەبێت.
پلەکانی گەرما / نزم دەبێتەوە لە تۆمارکراوەکانی دوێنێ بە (2-3) پلە، وەک لەسەر نەخشەى خوارەوە ئاماژەى پێدراوە.
مەوداى بینین / لەنێوان ( 8 – 10) کم دەبێت

سبەینێ چوارشەممە 24ی12ی2025، ئاسمان هەوری تەواو دەبێت لە ناوچەکانی ناوەڕاست و ڕۆژهەڵاتی هەرێم لە گەڵ بەردەوامبوونی بارینی نمە باران و پاشان لە کاتەکانی نیوەڕۆدا کەش ئاسایی دەبێتەوە.

خێراى با / لەسەرخۆ ( 05-10) کم/ک
ئاراستەی با / باکووری خۆرئاوا دەبێت.
پلەکانی گەرما / نزیک دەبێەوە بەراورد بە تۆمارکراوەکانی ئەمڕۆ وەک لە خوارەوە ئاماژەیان پێدراوە.
مەوداى بینین / لەنێوان ( 8 – 10) کم دەبێت

بەرزترین پلەکانی گەرمای پێشبینیکراو بە پلەی سیلیزی

هەولێر : 16 پلەی سیلیزی
سلێمانی : 13 پلەی سیلیزی
دهۆک : 15 پلەی سیلیزی
زاخۆ : 16 پلەی سیلیزی
کەرکوک : 16 پلەی سیلیزی
هەڵەبجە : 11 پلەی سیلیزی
گەرمیان : 17 پلەی سیلیزی

PUKMEDIA