کونسوڵی ئەمریکا بۆ پارێزگاری هەڵەبجە: هاوکار و پاڵپشتان دەبم

پەڕەی نوخشە ناسیح

نوخشە ناسیح و ستیڤ بیتنەر كونسوڵی گشتیی ئەمریکا

ئەمڕۆ 27ی7ی2025، ستیڤ بیتنەر كونسوڵی گشتیی ئەمریکا لە هەرێمی كوردستان سەردانی هەڵەبجەی کرد و لە کۆبوونەوەیەکیدا لەگەڵ نوخشە ناسیح پارێزگاری شارەکە پشتیوانی وڵاتەکەی بۆ دووپاتکردەوە و رایگەیاند:" پیرۆزبایی بە پارێزگابوونی هەڵەبجە و یەکەم پارێزگاری ژنتان لێدەکەم".


لە كۆبونەوەكەدا، نوخشە ناسیح سوپاسی پشتیوانیی ویلایەتەیەکگرتووەکانی ئەمەریکای لە هەرێمی کوردستان بۆ پارێزگای هەڵەبجە كرد و جەختی لە بەهێزبوونی زیاتری پەیوەندییەكان كردەوە.

هاوكات کونسوڵی گشتیی ئەمریکا، پیرۆزبایی بە پارێزگابوونی هەڵەبجەیان وەكو (١٩)مین پارێزگای عیراق و بوون بەپارێزگار وەكو یەكەم ژن لە عیراق و كوردستان لە پارێزگار کرد و پاڵپشتی ووڵاتەكەیان بۆ پارێزگاكە دووپاتكردەوە، هەردوولاش هاوڕابوون لەسەر پێویستیی و بەردەوامی پەیوەندییەكان و گەیاندنی دەستی هاوكاری ویلایەتە یەكگرتوەكانی ئەمریكا بە پارێزگاكە لە داهاتوودا.

PUKMEDIA