وەزارەتی سامانە سروشتییەکان: هێرشەکەی سەر خورمەڵە زیانی گیانیی نەبوو

وەزارەتی سامانە سروشتییەکان

لۆگۆی وەزارەتی سامانە سروشتییەکان

ئەمشەو لە رێگەی دوو درۆنەوە هێرشکرایە سەر کێڵگەی نەوتی خوورمەڵەو وەزارەتی سامانە سروشتییەکانی هەرێمیش رایدەگەیەنێت:" هێرشەکە هیچ زیانێكی گیانیی نەبووە و تەنیا زیانی بە بۆرییەکانی ئاوی وێستگەکە گەیاندووە".

وەزارەتی سامانە سروشتییەکانی هەرێمی کوردستان راگەیەندراوێکی لەسەر هێرشەکەی سەر کێڵگەی خورمەڵە بڵاوکردەوە و رایگەیاند:"ئێوارەی رۆژی دووشەممە (14)ی تەمووزی 2025 لە سەعات 8:20 و 8:25 لە ڕێگەی دوو درۆنی بۆمبڕێژكراو هێرش كرایە سەر كێڵگەی نەوتی خۆرمەڵە لە پارێزگای هەولێر".

راشیگەیاند:" هێرشەکە هیچ زیانێكی گیانیی نەبووە و تەنیا زیانی بە بۆرییەکانی ئاوی وێستگەکە گەیاندووە".

 وەزارەتی سامانە سروشتییەكان راشیگەیاندووە:" ئەم جۆرە هێرشانە بۆ سەر ژێرخانی ئابووریی هەرێمی کوردستان شەرمەزار دەکەین".

لەلایەکی دیکەوە،شانه‌ی راگه‌یاندنی ئه‌منی له‌ڕاگه‌یه‌ندراوێكدا ئاماژەی بەوەکرد:" له‌ڕێگه‌ی دوو درۆنی نه‌ناسراوه‌وه‌ هێرشكرایه‌ سه‌ر كێڵگه‌ی نه‌وتی خورمه‌ڵه‌ی قه‌زای مه‌خمور له‌ سنووری پارێزگای هه‌ولێر".

 " له‌گه‌ڵ هێزه‌ ئه‌منی و داموده‌زگا هه‌واڵگرییه‌كانی هه‌رێمی كوردستان له‌هه‌ماهه‌نگیداین بۆ لێكۆڵینه‌وه‌ له‌و كرده‌وه‌ دوژمنكاریانه‌یه‌"، شانەی ئەمنی وادەڵێت.

PUKMEDIA