فراکسیۆنی یەکێتی سوپاسی دادگای فیدراڵی دەکات

ئاژانسەکان

فراکسیۆنی یەکێتی

فراکسیۆنی یەکێتی سوپاسی دادگای فیدراڵی دەکات کەسکاڵاکەی سەر وەزارەتی شەهیدانی هەڵوەشاندۆتەوەو رایگەیاند: " خزمەتکردنی کەسوکاری شەهیدان ئەرکێکی پیرۆزو گەورەیەو هیوادارین کابینەی نوێی حکومەتی هەرێم زیاتر بایەخ بەو وەزارەتە بدات".

 فراکسیۆنی یەکێتیی نیشتمانیی کوردستان لەئەنجومەنی نوێنەرانی عیراق لە راگەیەندراوێکدا کە کۆپییەکی بۆ وێبسایتی رەسمی یەکێتی PUKMEDIA نێردراوە، رایگەیاندووە: "سوپاسی دادگای باڵای فیدراڵی عیراق دەکەین، کە سکاڵای هەڵوەشاندنەوەی وەزارەتی شەهیدان و کاروباری ئەنفالکراوانی هەرێمی کوردستانی رەتکردووە".

"خزمەتکردنی وارس و کەسوکاری سەربەرزی شەهیدان و ئەنفالکراوانی کوردستان، ئەرکێکی پیرۆزو گەورەیەو پێویستی بە وەزارەت و دامەزراوەی تر هەیە کە بتوانێ لەئاستی گەورەیی و پیرۆزیی ئەرکەکەدا بێت"، لەراگەیەندراوەکەدا واهاتووە.

ئەوەش راگەیەندراوە: "هیوادارین لە کابینەی نوێی حکومەتی هەرێمی کوردستان زیاتر بایەخ و گرنگی و رۆڵ بدرێ بە وەزارەتی شەهیدان و ئەنفالکراوان، چونکە هێشتا داواکاری رەوا و خزموتگوزاری پێوسیت ماون جێبەچی بکرێن بۆ خزمەتکردنی کەسوکاری سەربەرزی شەهیدان و ئەنفالکراوان و کەیسی ئەنفال و کیماباران و جینۆسایدکردنی گەلی کوردستان".

PUKMEDIA