قوباد تاڵەبانی: یەکێتی رێڕەوی حوکمڕانی راستدەکاتەوە

PUKMEDIA

قوباد تاڵەبانی

قوباد تاڵەبانی سەرپەرشتیاری هەڵمەتی هەڵبژاردنی لیستی ١٢٩ی یەکێتیی نیشتمانیی کوردستان لە راپەرین رایگەیاند: "تەنها یەکێتی دەتوانێت رێڕەوی حوکمڕانی راستبکاتەوە".

قوباد تاڵەبانی لەگەڵ کۆمەڵەی کورتەباڵاکان کۆبوەوەو لەپەیامێکیدا رایگەیاند: "ئەوەی دەتوانێت رێڕەوی حوکمڕانی لەهەرێمی کوردستان راستبکاتەوە، تەنها یەکێتیی نیشتمانیی کوردستانە و خەڵک ئومێدی بەیەکێتییە و بۆیان رون و ئاشکرایە و باوەڕیان بەسەرۆک بافڵ جەلال تاڵەبانییە".

"کەرنەڤاڵی ئێوارەی یەکێتیی نیشتمانیی کوردستان کەرنەڤالێکی شایستە دەبێت و بەدەنگی کۆمەڵانی خەڵکی کوردستان دەتوانین سەرکەوتنێکی مێژووی تۆمار بکەین و بەسەربەرزی دەچینە ناو هەڵبژاردن"، قوباد تاڵەبانی وای وت.

سەرپەرشتیاری هەڵمەتی هەڵبژاردنی لیستی ١٢٩ی یەکێتی وتیشی: "سەرژمێری هەنگاوێکی گرنگە بۆ گەشەکردنی دەوڵەت و چاکسازییە لەبەرنامەی حوکمڕانی و سیاسەت و ئابووری، هیوادارین بەشێوازێکی زانستی و بێ گرێ و گۆڵ بەڕێوەبچێت و وەک یەکێتی لەسەر خەت دەبین لەگەڵ سەرجەم لایەنە پەیوەندیدارەکان تاکوو سەرژمێرییەکە لەپێناو بەرژەوەندی وڵات بێت".

"هەنگاوی باش نراوە لەپێناو پرسی مووچە و دارایی هەرێم و تەنها رێکاری بچوک ماون و تا کۆتایی ساڵ ئەو وردە کیشانە چارەسەر دەکەین، تیمی هەرێم بۆ کێشەی مووچە زۆر خار دەچێتە بەغدا و پەیوەندییەکان لەئاستێکی باشدان و ئەنجامیان هەیە"، قوباد تاڵەبانی وادەڵێت.

PUKMEDIA