riklam

لایەنەکان هاوڕان بۆ کۆبونەوەی ئەنجومەنی پارێزگای کەرکوک

کوردستان 12:15 PM - 2024-06-20
ئەنجومەنی پارێزگای کەرکوک PUKMEDIA

ئەنجومەنی پارێزگای کەرکوک

کەرکوک

چاوەڕوان دەکرێت لەچەند رۆژی ئایندەدا کۆبونەوەی ئەنجومەنی پارێزگای کەرکوک ئەنجامبدرێت و ئەندامێکی ئەنجومەنەکەش دەلێت: "لایەنەکان هاوڕان بۆ ئەنجامدانی کۆبونەوەکە".


د. ئەحمەد فاتیح ئەندامی ئەنجومەنی پارێزگای کەرکوک لە فراکسیۆنی یەکێتیی نیشتمانیی کوردستان بە PUKMEDIA ی راگەیاند: "وەک فراکسیۆنی یەکێتی بەشداری کۆبونەوەی ئەنجومەنی پارێزگای کەرکوک دەکەین و بەشێکی زۆری فراکسیۆنەکانی دیکەش بۆ بەشداریکردن لەگەڵ فراکسیۆنەکەمان هاوڕان".

 

"هەوڵی لایەنەکان بەردەوامە بۆ ئەوەی لە هەفتەی ئایندەدا کۆبونەوەی ئەنجومەنەکە ئەنجامبدرێت و ژمارەی یاسایی ئەندامانی ئامادەبوو تەواوبێت"، د. ئەحمەد وای وت.

زیاتر لە ٥ مانگ بەسەر سوێندخواردنی به‌شێك له‌كاندیده‌ ده‌رچووه‌كانی ئه‌نجومه‌نی پارێزگای کەرکوکدا تێپەڕیوە،‌ كه‌ ژماره‌یان ١٦ ئەندامە، لە کاتێکدا، بڕیاربوو رۆژی 5-2-2024 ئەنجومەنی نوێی پارێزگای كەركوك بە سەرپەرشتی بە تەمەنترین ئەندامی ئەنجومەنەكە، یەكەمین كۆبوونەوەی خۆی ئەنجامبدات، بەڵام بەهۆی بایكۆتكردنی فراكسیۆنە عەرەب و توركمانەكانەوە دانیشتنی ئەنجومەنەكە دواخرا و بەشێک لە کاندیدە دەرچووەکان سوێندی یاساییان نەخوارد.



PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket