ئەندامێکی سەرکردایەتی: ئەم هەڵبژاردنە مردوو دەنگ نادات
کوردستان 01:08 PM - 2024-04-09هەڵبژاردن
یەکێتیی نیشتمانیی کوردستان لە تیروپشکی کۆمسیۆنی باڵای سەربەخۆی هەڵبژاردنەکانی عیراق ژمارە 129ی پێدرا، لێپرسراوانی یەکێتیش دەڵێن:" تەواوی ئامادەکارییان کردوە بۆ هەڵبژاردنی پەرلەمانی کوردستان لەو وادەیەی دیاریکراوە" و ئەندامێکی سەرکردایەتیش دەڵێت:" ئەمجارە مردووەکانی کورستان ناتوانن دەنگ بدەن".
چاوەڕوانی وادەی هەڵبژاردن دەکەین
شێخ جەعفەر شێخ مستەفا لێپرسراوی ئەنجومەنی پاراستنی بەرژەوەندییە باڵاكانی یەكێتیی نیشتمانیی كوردستان لە لێدوانێکی رۆژنامەوانیدا رایدەگەیەنێت: "یەکێتیی نیشتمانیی کوردستان هەموو ئامادەکارییەکی بۆ هەڵبژاردن کردوەو هیچ جۆرە کێشەیەکمان نییە و چاوەڕوانی وادەی هەڵبژاردن دەکەین و لەگەڵ سەرجەم لایەنە کوردستانییەکانیش هەماهەنگی و پەیوەندییەکی بەهێزمان هەیە".
"سەرۆک بافڵ هەموو هەوڵی خۆی داوە لەبەغدا بۆ چارەسەرکردی کێشەی مووچە و بودجە و لەگەڵ سەرجەم لایەنە عیراقییەکان بۆ ئەو پرسە کۆبوەتەوە"، شێخ جەعفەر وای وت.
باسکردن لە دواخستنی هەڵبژاردن پەیوەندی بەیەکێتییەوە نییە
لەتیف نێروەیی لێپرسراوی بۆردی راگەیاندنی یەکێتیش دەڵێت: "دواخستنی هەڵبژاردن، بابەتێکە پەیوەندی بە یەکێتیی نیشمانیی کوردستانەوە نییە، ئەوەی پەیوەندی بە ئێمەوە هەیە ئەوەیە کە ئێمە لەگەڵ ئەنجامدانی هەڵبژاردنین لەوادەی دیاریکراوی خۆیدا و خۆشمان بۆ ئەو پڕۆسەیە ئامادەکردووە".
"وەک یەکێتی پێمان وابوو بە یاسا کۆنەکەی هەڵبژاردنی پەرلەمانی کوردستان، هەڵبژاردنێکی پاک و بێگەرد لە هەرێم بەڕێوەنەدەچوو، بۆیە هەموو لایەنە سیاسییە کوردییەکان سەرنج و تێبینییان لەسەر ئەو یاسایە هەبوو ئەمەش گرفتێکی یاسایی بوو، هەر بۆیە داوای هەمواری یاساکەمان کردوو دادگای فیدڕاڵیش چارەسەرێکی دۆزییەوە کە لە بەرژەوەی پڕۆسەی دیموکراسی بێت"، لەتیف نێروەیی وای وت.
لێپرسراوی بۆردی راگەیاندن ئەوەش دەڵێت: "لەم هەڵبژاردنەدا هیچ کەس و لایەنێک ناتوانێت لەجیاتی مردووەکان و کەسی تر دەنگ بدات و کورسی هیچ پارێزگایەک بۆ پارێزگایەکی تر ناڕوات".
یەکێتی تەئکید لە هەڵبژاردنێکی پاک و بێگەرد دەکاتەوە
رزگار حاجی حەمە لێپرسراوی مەکتەبی هەڵبژاردنەکانی یەکێتیی نیشتمانیی کوردستان بە PUKMEDIA ی راگەیاند: "یەکێتی بە ژمارە 129 بەشداری هەڵبژاردنی داهاتووی پەرلەمانی کوردستان دەکات و بەپێی خشتەی کۆمسیۆنیش، خۆمان بۆ قۆناغەکانی داهاتووی هەڵبژاردن ئامادە دەکەین".
"یەکێتی تەئکید لە هەڵبژاردنێکی پاک و بێگەرد لەو وادەیەی دیاریکراوە کە 10ی 6ی 2024ـە دەکاتەوە و بۆ ئەمەش بەپێی قۆناغەکان، ئامادەکارییەکانی بەردەوامە و خۆی بۆ هەڵمەتی هەڵبژاردن ئامادە دەکات"، رزگار حاجی حەمە وادەڵێت.
سەرۆکی هەرێمی کوردستان بە مەرسومێک رۆژی 10ی 6ی2024 ی بۆ هەڵبژاردنی پەرلەمانی کوردستان دیاریکرد و کۆمسیۆنی باڵای سەربەخۆی هەڵبژاردنەکانیش لە تیروپشکێکدا بۆ پێدانی ژمارە بە هاوپەیمانی و حزب و کاندیدەکان، کە ئەمڕۆ لە بەغدا ئەنجامیدا، یەکێتیی نیشتمانیی کوردستان ژمارە 129ـی وەرگرتو بەو ژمارەیە بەشداری هەڵبژاردنی داهاتووی پەرلەمانی کوردستان دەکات.
PUKMEDIA
هەواڵی زیاتر
-
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06
ئەمانەش ببینە
کوردستان 04:20 PM - 2024-05-07 هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
01:58 PM - 2024-05-07
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
10:38 AM - 2024-05-07
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
09:05 PM - 2024-05-06
قوباد تاڵەبانی: توانای مرۆیی باشمان هەیە و رێکنەخراوە
06:31 PM - 2024-05-06
زۆرترین خوێنراو
-
تیرۆرستێک دەستگیردەکرێت
کوردستان 11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
کوردستان 09:20 PM - 2024-05-06 -
"یەکێتی بە دووساڵی پارێزگار بۆ کەرکوک رازی نابێت و پارتی رازییە"
کوردستان 09:05 PM - 2024-05-06 -
شاڵاو کۆسرەت رەسوڵ بەشداری لە ژمارەیەک پرسەدا دەکات
پرسەنامە 08:04 PM - 2024-05-06 -
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06