وتەبێژی کۆمسیۆن: لێکۆڵینەوە لەشایستەبوونی لیست و کاندیدەکان دەکرێت
کوردستان 12:36 PM - 2024-03-11جومانە غەلای
کۆمسیۆنی باڵای سەربەخۆی هەڵبژاردنەکانی عیراق لەڕێگەی دەستەی دەستپاکی و وەزارەتی ناوخۆی هەرێم و عیراقەوە، لێکۆڵینەوە لەشایەستەبوونی ئەو لیست و هاوپەیمانێتی و کاندیدە سەربەخۆیانە دەکات، کە ناوی خۆیان بۆ هەڵبژاردنی داهاتووی پەرلەمانی کوردستان تۆماردەکەن،وتەبێژی کۆمسیۆنیش دەڵێت:"١٥ رۆژ بۆ لێکۆڵینەوە لە لیست و هاوپەیمانێتی و کاندیدە سەربەخۆکان دیاریکراوە".
زیاتر لە ٤١ هەزار دەنگدەری نوێ هەیە
جومانە غەلای وتەبێژی
کۆمسیۆنی باڵای سەربەخۆی هەڵبژاردنەکانی عیراق بەوێبسایتی رەسمیی یەکێتیی
نیشتمانیی کوردستان PUKMEDIA ی راگەیاند:"لەسەرەتای مانگی شوباتەوە کە تۆماری بایۆمەتری
دەستیپێکردووە هەتا ٩-٣-٢٠٢٤ کە رۆژێک پێش کۆتایی بووە، ١١٩ هەزار و ٨٥٠ دەنگدەر
ناویان لە تۆماری بایۆمەتری تۆمارکردووە، کە ٤١ هەزار و ٤٢٧ دەنگدەریان بۆ یەکەم
جارە ناویان تۆماردەکرێت و لەدایکبووی ساڵی ٢٠٠٦ن".
"لەپارێزگای هەولێر
٦٠ هەزار و ١٦٩ دەنگدەر و لە پارێزگای سلێمانیش ٣٤ هەزار و ٤٥٤ دەنگدەر و لە
پارێزگای دهۆکیش ٢٥ هەزار و ٢٢٧ دەنگدەر ناوی خۆیان تۆمارکردووە"، جومانە غەلای
وایوت.
دەرگای تۆمارکردن بۆ لیست و کاندیدەکان دەکرێتەوە
کۆمسیۆنی باڵای سەربەخۆی
هەڵبژاردنەکانی عیراق دەرگای تۆمارکردن بۆ لیست و هاوپەیمانێتی و کاندیدە
سەربەخۆکان دەکاتەوە.
وتەبێژی کۆمسیۆنی باڵای سەربەخۆی
هەڵبژاردنەکانی عیراق راشیگەیاند:" کۆمسیۆن بڕیاریداوە لە ١٣-٣-٢٠٢٤ تا ٢٢-٣-٢٠٢٤
دەرگای تۆمارکردن بۆ لیست و هاوپەیمانێتی و کاندیدە سەربەخۆکان لە هەر سێ پارێزگاکەی
هەرێمی کوردستان، کە بەشدار دەبن لە هەڵبژاردنی داهاتووی پەرلەمانی کوردستان بکاتەوە".
"پێویستە ئەو لیست
و هاوپەیمانێتییانەی لە کۆمسیۆن خۆیان تۆماردەکەن بە نوسراوی رەسمی لەلایەن سەرۆکی
حزب و هاوپەیمانێتییەکەوە داواکەمان ئاڕاستە بکەن"، جومانە غەلای وایوت.
لەماوەی ١٥ رۆژدا لێکۆڵینەوە دەکرێت
ئەو لیست و
هاوپەیمانێتییانەی ناوی خۆیان تۆماردەکەن، لەلایەن دەستەی دەستپاکی و وەزارەتی
ناوخۆوە لێکۆڵینەوە لە شایستەبوونیان دەکرێت.
جومانە غەلای ئاماژەی
بەوەشکرد:" ئەو لیست و هاوپەیمانێتی و کاندیدانەی ناوی خۆیان تۆماردەکەن، لەدوای
تەواوبوونی وادەی خۆتۆمارکردن، پێویستە لەماوەی ١٥ رۆژدا دەستەی دەستپاکی و هەردوو
وەزارەتی ناوخۆی هەرێمی کوردستان و عیراق لێکۆڵینەوە لە شایستەبوونیان بۆ
بەشداریکردن لەهەڵبژاردن بکەن".
"پێویستە هەر
هاوپەیمانێتییەک بڕی ١٠ ملیۆن دینار و هەر لیستێک بڕی ٥ ملیۆن دینار و هەر
کاندیدێکی سەربەخۆ بڕی یەک ملیۆن دینار لە کۆمسیۆن دابنێن، کە ناگەڕێتەوە بۆیان و
دەبێتە بەشێک لە داهاتی حکومەت"، وتەبێژەکەی کۆمسیۆن وایوت.
جومانە غەلای راشیگەیاند:"
بۆ لێکۆڵینەوە لە شایستەبوونی هەر کاندیدێکیش وەزارەتی ناوخۆی عیراق بڕی ٢٥٠ هەزار
دینار و وەزارەتی ناوخۆی حکومەتی هەرێمی کوردستانیش بڕی ٦٠ هەزار دینار وەردەگرێت
و پێویستە لەڕێگەی یەکێک لەبانکە حکومییەکانی عیراقەوە بیخەنە سەر هەژماری کۆمسیۆن
، کە بەهەمانشێوە ناگەڕێتەوە بۆ خاوەنەکانیان".
بەپێی زانیارییەكانی سایتی
رەسمی یەكێتیی نیشتمانیی كوردستان PUKMEDIA، بۆ هەڵبژاردنی خولی شەشەمی پەرلەمانی كوردستان، ٣ ملیۆن
و ٧٨٩ هەزار و ٣٦٠ دەنگدەر هەن و لەو ژمارەیەش تا بەرواری ٩-٣-٢٠٢٤ نزیکەی ٣
ملیۆن دەنگدەر کارتی بایۆمەترییان بۆ كراوە.
PUKMEDIA
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
ئەمانەش ببینە
کوردستان 04:03 PM - 2024-05-04 قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
کۆمسیۆن لە 90٪ی ئامادەکارییەکانی هەڵبژاردن تەواودەکات
10:53 AM - 2024-05-04
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
زۆرترین خوێنراو
-
بۆچی ھەڵبژاردنی پەرلەمان گرنگە بۆ کوردستان
بیروڕا 09:26 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
پرسەنامە 07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03