كۆنفرانسی نوێنهرایهتییهكانی حكومهتی ههرێم بەڕێوەدەچێت
کوردستان 10:21 AM - 2024-01-28دیمەنی بەڕێوەچوونی کۆنفرانسەکە
كۆنفرانسی نوێنهرایهتییهكانی دەرەوەی حكومهتی ههرێمی كوردستان له شاری هەولێر، بە بەشداری سەرۆک و جێگری سەرۆک وەزیران و نوێنەرانی حکومەتی هەرێم لە دەرەوە و ژمارهیهكی زۆر لهكونسوڵ و دیپلۆماتكار و نوێنهرانی وڵاتان و وەزیرانی حکومەتی هەرێم دەستیپێکرد، کە بڕیارە ماوهی چوار رۆژ بخایەنێت.
مەسرور بارزانی:پەیوەندییەکانی هەرێم لەگەڵ وڵاتانی جیهان هەنگاوی باشی بڕیوە
لەسەرەتای کۆنفرانسەکەدا مەسرور بارزانی سەرۆک وەزیرانی هەرێمی
کوردستان وتارێکی پیشکەشکرد و رایگەیاند:" لەگەڵ ئەوەی ساڵانە ژمارەی
کونسوڵخانەی وڵاتان لە هەرێمی کوردستان زیاتر دەبن، لەبەرامبەریشدا هەوڵدەدەین نوێنەرایەتییەکانمان
لە وڵاتان زیاتر بکەین، کە ئامانج لێی برەودانە بە پەیوەندییەکانی نێوان هەرێم و وڵاتان".
راشیگەیاند:"پەیوەندییەکانی حکومەتی هەرێم لەگەڵ وڵاتانی
جیهان هەنگاوی باشی بڕیوەو هەوڵی زیاتریش دەدەین، چونکە هەرێمی کوردستان وەک
قەوارەیەکی دەستووری خوازیاری ئاشتی و ئارامیی و باشترکردنی پەیوەندییەکانییەتی
لەگەڵ وڵاتانی دراوسێ و کۆمەڵگەی نێودەوڵەتی بە گشتی".
قوباد تاڵەبانی: زانیاریی بە نوێنەرایەتییەکانمان بدرێت
هەر لە کۆنفرانسەکەدا قوباد تاڵەبانی جێگری سەرۆک وەزیرانی
هەرێم لەمیانی بەشداریکردنی لە پانێڵێکدا رایگەیاند:"هەوڵەکانمان بۆ بەهێزکردنی حکومەتی هەرێم
بەردەوامە و نوێنەرایەتییەکانمان دەتوانن پەیوەندییە ئابوری و سیاسی و
بازرگانییەکانمان لەگەڵ وڵاتاندا بەهێز بکەن، هەروەها گرنگە نوێنەرایەتییەکانمان
مەترسییەکانی سەر قەوارەی هەرێم بگەیەننە وڵاتان".
راشیگەیاند:" دەبێت نوێنەرایەتییەکانمان پەیوەندییەکی بەهێزیان لەگەڵ
دامەزراوە رەسمییەکانمان لەهەرێمی کوردستان هەبێت و زانیارییان پێبدرێت و
دەسەڵاتدارانی هەرێم لە سیاسەتی وڵاتان ئاگادار بکەنەوە ".
قوباد تاڵەبانی: لە دیپلۆماسییەتدا دۆست نییە
"پێویستە بەدوای بەرژەوەندی هاوبەشدا لەگەڵ وڵاتاندا بگەڕێین،
چونکە لە دیپلۆماسییەتدا دۆست نییە، بەڵکو بەرژەوەندی هاوبەش هەیە، لەم ڕوانگەیەشەوە
نوێنەرایەتییەکانمان دەتوانن رۆڵێکی گرنگ ببینن و بەرژەوەندییە هاوبەشەکانمان
لەگەڵ وڵاتان زیاتر بکەن، ئەمە جگە لەوەی کە دەتوانن لەسەر پرسە چارەنوسسازەکان
لەهەرێم رای گشتی لە وڵاتان دروست بکەن و رێگر بن لە هەر هەوڵێک کە لەدژی
هەرێمەکەمان دەدرێت"، قوباد تاڵەبانی وایوت.
جێگری سەرۆک وەزیرانی هەرێم راشیگەیاند:"رووبەڕوبونەوەی داعش هەرێمی کوردستانی خستە نا هاوکێشەیەکی نێودەوڵەتییەوە،
ئەمەش وایکرد ئەولەویەتی زیاتر بە هەرێم بدرێت، بۆیە تەئکید دەکەمەوە لە کاری دیپلۆماسیدا
دۆست نییە و بەرژەوەندی هاوبەش هەیە، لەم روانگەیەشەوە بوو لە شەڕی رووبەڕوبونەوەی
تیرۆردا هاوپەیمانان و ئەمریکا پشتیوانێکی بەهێزی هەرێمی کوردستان بوون".
دابان شەدەڵە: كۆنفرانسی نوێنەرایەتییەکان بۆ دۆزینەوەی چارەسەرە
هەر لەو بارەیەوە پێشتر دابان شهدهڵه جێگری لێپرسراوی فهرمانگهی
پهیوهندییهكانی دهرهوهی ههرێم بهسایتی رهسمی یهكێتیی نیشتمانیی كوردستان
به PUKMEDIA ی راگهیاندبوو:"ئامانجی كۆنفرانسهكه رێكخستنهوهی
كاری دیپلۆماسی حكومهتی ههرێمە لهگهڵ قۆناغهكهدا و دانانی پلانی ستراتیجییه
بۆ نوێنهرایهتییهكان و بایهخدان و قوڵتر كردنهوهی پهیوهندییه دیپلۆماسییهكانه
لهگهڵ وڵاتان".
"پرسی ئهمنیهت و ههڕهشهی درۆن و ئاڵنگارییهكان و
دۆزینهوهی چارهسهری دیپلۆماسی و زاڵكردنی زمانی دیالۆگ بابهتی گرنگی
كۆنفرانسهكه دهبن"، دابان شهدهڵه وایوت.
بەپێی زانیارییەکانی PUKMEDIA ، لە کۆنفرانسەکەدا 41 كۆنسوڵ و ژمارهیهك له دیپلۆماتكارو نوێنهری
ئاژانسی نێودهوڵهتی و 14 نوێنهری حكومهتی ههرێم له دهرهوه ئامادهی
كۆنفرانسهكەن.
PUKMEDIA
هەواڵی زیاتر
-
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
09:46 AM - 2024-05-18
ئەمانەش ببینە
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
سەرۆک بافڵ: پێویستمان بە هەڵبژاردنێكی بێگەردە
06:45 PM - 2024-05-17
زۆرترین خوێنراو
-
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18 -
شەش ساڵ بەسەر کۆچی دوایی عادل موراد دا تێدەپەڕێت
کوردستان 09:11 AM - 2024-05-18 -
خەبات لە خەبات لایداوە
بیروڕا 10:32 PM - 2024-05-17 -
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
سەوزاییەکانی ناودڵ
بیروڕا 04:26 PM - 2024-05-17