46 كاندید هیچ دەنگێكیان لە هەڵبژاردنی ئەنجومەنی پارێزگاكان بەدەستنەهێنا
عیراق 10:19 AM - 2023-12-23هەڵبژاردن
لەهەڵبژاردنی ئەنجومەنی پارێزگاكانی عیراقدا 46
كاندید هیچ دەنگێكیان نەهێناوەو دەنگەكانیان سفرە، كە لەو ژمارەیە 22 كاندیدیان لەرەگەزی
مێ-ن و 24 كاندیدیش لەرەگەزی نێر-ن، پسپۆڕێكی بواری هەڵبژاردنیش گریمانەی ئەو حاڵەتە
بۆ ئەوە دەگێڕێتەوە، كە لەپڕۆسەكە كشابێتنەوە.
بەپێی شیكارو بەدواداچوونی PUKMEDIA كە
پشتی بەو داتا و زانیارییانەی كۆمسیۆنی باڵای سەربەخۆی هەڵبژاردنەكان بەستووە كە بەڕەسمی
بڵاویكردووەتەوە، لەو 15 پارێزگایەی عیراق 46 كاندید هیچ دەنگێكیان بەدەستنەهێناوە،
كە زۆرترین ژمارەی سفر لە پارێزگای بەغدایە 16 كاندیدە و 8 یان لە رەگەزی مێیە و 8
یشیان لە رەگەزی نێرن.
هەربەپێی شیكاركردنەكەی تیمی بەدواداچوونی PUKMEDIA كە (سفر دەنگ تا 5 دەنگی) لەو 15 پارێزگای هەڵبژاردنی
ئەنجومەنی پارێزگانی تێدا بەڕێوەچووە وەك كەمترین رێژەی دەنگ وەرگرتووە (318) كاندید
ژمارەی دەنگیان سفر تا تەنیا 5 دەنگیان بەدەستهێناوەو لەو ژمارەیەش 160ی كەمترین دەنگ
بەر رەگەزی مێ و 158ی دیكەش بەر كاندیدی رەگەزی نێر دەكەوێت كە بەمجۆرەیە:
• 46 كاندید
هیچ دەنگێكیان نەهێناوە، كە 22 كاندیدیان ژنن و 24 كاندیدیان پیاون.
• 39 كاندید
تەنیا یەك دەنگیان بەدەستهێناوە، كە 16 كاندیدیان ژنن و 19 كاندیدیان پیاون.
• 73 كاندید
تەنیا دوو دەنگیان بەدەستهێناوە، كە 36 كاندیدیان ژنە و 37 كاندیدیان پیاوە.
• 55 كاندید
تەنیا سێ دەنگیان بەدەستهێناوە، كە 20 كاندیدیان ژنن و 35 كاندیدیان پیاون.
• 56 كاندید
تەنیا چوار دەنگیان بەدەستهێناوە، كە 32 كاندیان ژنن و 24 كاندیدیان پیاون.
• 49 كاندید
تەنیا پێنج دەنگیان بەدەستهێناوە، كە 15 كاندیان ژنن و 34 كاندیدیان پیاون.
هەرچی پەیوەندی بە پارێزگای كەركوكیشەوە هەیە، كەمترین
حاڵەتی لەو جۆرەی تێدابووە، بەو پێیەی بەرزترین رێژەی دەنگدان لەسەر ئاستی پارێزگاكان
لە كەركوك بووە كە 66% بووە و تەنیا كاندیدێك (سفر) دەنگی هەبووەو دوو كاندیدیش یەكی
دەنگێكیان هێناوەو دوو كاندیدیش یەكی (2) دەنگیان هەبووە و كاندیدێكیش 3 دەنگ و
دوو كاندیدیش هەبوون كە هەریەكێكیان (4) دەنگیان بەدەستهێناوە.
پسپۆڕێكی بواری هەڵبژاردن هۆكاری ئەو حاڵەتەی
روونكردەوە و بە PUKMEDIA ی راگەیاند:
كە هۆكاری سەرەكی ئەو كەم دەنگییەی كاندید بۆ ئەوە دەگەڕێتەوە كە بەشێك لە حزبەكان
كە بەشداری هەڵبژاردنەكان دەكەن، هەندێك كاندید دەچنە ناو پڕۆسەكەوە تەنیا بۆ وەرگرتنی
بڕێك پارە و ئیمتیازی ماددییە.
"هۆكارێكی دیكەش
پەیوەندارە نەخوێندنەوەی ژینگەی كۆمەڵایەتی و سیاسیی كۆمەڵگە و ویستی دەنگدەر و قەبارەی
سیاسیی و متمانەی دەنگدەر و پڕۆگرامی بانگەشە". ئەو پسپۆڕەی بواری هەڵبژاردن
وایوت.
بۆ هەڵبژاردنی ئەنجومەنی پارێزگاكانی عیراق، كۆی
گشتی كاندیدی لیستە بەشداربووەكان لە 15 پارێزگاكە، 5 هەزار و 904 كاندید بووە، لەو رێژەیەش 4 هەزار و 242 كاندیدی پیاو و هەزار
و 662 كاندیدیان ژن بوون.
بەپێی ئامارەكانی كۆمسیۆنی باڵای سەربەخۆی هەڵبژاردنەكانی
عیراق، ژمارەی دەنگدەرانی گشتی و تایبەت بۆ بەشداریكردن لە هەڵبژاردنی ئەنجومەنی
پارێزگاكانی عیراق 16 ملیۆن و 158 هەزار و 788 كەس بوون، لەو رێژەیەش 15 ملیۆن و 108 هەزار و 135 دەنگدەری گشتی و ملیۆنێك
و 2 هەزار و 393 دەنگدەری تایبەت و 48 هەزار و 260 راگوێزراو بوون.
PUKMEDIA
هەواڵی زیاتر
-
مەکتەبی هەڵبژاردن: بەردەوامین لەکارەکانمان
11:21 PM - 2024-05-15 -
وەفدێکی یەکێتی بەشداری لە پرسەی چوار خوێندکارەکەدا دەکات
09:12 PM - 2024-05-15 -
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
05:54 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
12:19 PM - 2024-05-15
ئەمانەش ببینە
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
02:13 PM - 2024-05-15
سهرۆك بافڵ بۆ مامۆستایان: بهرگریکردن لهمافهكانتان ئهركمانە
12:56 PM - 2024-05-15
زۆرترین خوێنراو
-
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
کوردستان 05:54 PM - 2024-05-15 -
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
کوردستان 05:36 PM - 2024-05-15 -
مەکتەبی سکرتارییەت: تێکۆشەرانی یەکێتی مایەی شانازی هەموولایەکمانن
ی ن ک 02:47 PM - 2024-05-15 -
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
کوردستان 02:13 PM - 2024-05-15 -
سهرۆك بافڵ بۆ مامۆستایان: بهرگریکردن لهمافهكانتان ئهركمانە
کوردستان 12:56 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
کوردستان 12:19 PM - 2024-05-15 -
قوباد تاڵەبانی بۆ وەزیری کشتوکاڵ: پەرەی زیاتر بە کەرتی کشتوکاڵ بدرێت
کوردستان 11:24 AM - 2024-05-15 -
جێبەجێکردنی بڕیارەکانی دادگای فیدراڵی تاکە رێگەی چارەسەری مووچەیە
کوردستان 10:23 AM - 2024-05-15