رزگار حاجی حەمە: پارێزگاری کەرکوک مافی یەکێتی دەبێت

PUKMEDIA

رزگار حاجی حەمە لێپرسراوی مەکتەبی هەڵبژاردنی یەکێتی

بەراورد بە هەڵبژاردنەکانی رابردوو رێژەی دەنگەکانی یەکێتیی نیشتمانیی کوردستان بەڕێژەی ٪٩٠ بەرزبووەتەوە، لێپرسراوی مەکتەبی هەڵبژاردنی یەکێتیش دەڵێت:" بەپێی ئەنجامی دەنگەکان پۆستی پارێزگاری کەرکوک مافی یەکێتییە".

رزگار حاجی حەمە لێپرسراوی مەکتەبی هەڵبژاردنی یەکێتیی نیشتمانیی کوردستان رایگەیاند:"دەنگەکانی یەکێتی بەڕێژەی ٪٩٠ بەرزبووەتەوە و بەپێی ئەنجامی دەنگەکانیش پۆستی پارێزگاری کەرکوک مافی یەکێتییە".

وتیشی:" یەکێتی نیوە زیاتری دەنگەکانی سنوری کەرکوکی بەدەستهێناوە، هەرچەندە بەهۆی پەرتەوازەیمان دەنگی کورد زۆر فەوتا، بەڵام ئێستاش دەتوانین یەکڕیزی دروستبکەین".

راشیگەیاند:" وەک یەکێتیی نیشتمانیی کوردستان ئامادەی کاری پێکەوەیین لەسەرجەم ناوچەکان".

رزگار حاجی حەمە ئاماژەی بەوەشکردووە:" ژمارەی دەنگەکانی یەکێتی لەکەرکوک تا ئێستا ١١٠ هەزار دەنگی تێپەڕاندووە و لە ئەنجامی ٪٥٠ی جیاکراوەی دەنگەکان ٥ کورسی بەدەستهێناوە".

ئەمەش لەکاتێکدایە لەدەنگدانی تایبەتیشدا کە رۆژی ١٦-١٢-٢٠٢٣ بۆ هەڵبژاردنی ئەنجومەنی پارێزگاکانی عیراق ئەنجامدرا، یەکێتیی نیشتمانیی کوردستان بەپێی ئەنجامە ناڕەسمییەکان زۆرترین دەنگەکانی بەدەستهێنا.  

PUKMEDIA