سه‌عدی پیره‌: ده‌نگدانی كورد له‌پێناو خاكه‌ نه‌ك بیروڕای سیاسی

PUKMEDIA

وتەبێژی یەکێتیی نیشتمانیی کوردستان

لە میانەی بەڕێوەچونی پرۆسەی دەنگدانی تایبەت بۆ هەڵبژاردنی ئەنجومەنی پارێزگاکانی عیراق وتەبێژی یەکێتی داوا لەهەموو هاووڵاتییان دەکات بەگڕوتینەوە بچن بەشداری هەڵبژاردن بکەن و دەڵێت: " هەموو دەنگێک گرنگی هەیە و پێویستە کەمتەرخەمی نەکەین لە بەشداریکردن لە دەنگدان".

سەعدی ئەحمەد پیرە وتەبێژی یەکێتیی نیشتمانیی کوردستان لە کۆنگرەیەکی رۆژنامەوانیدا دەڵێت: "لەو ناوچە جێناکۆکانەی یەکێتیی نیشتمانیی کوردستان لیستی هەیە، بۆ هەڵبژاردن هەنگاومان ناوە، کەلەدۆخی ئێستادا دەستاودەستکردنی دەسەڵات لەرێگای هەڵبژاردنەوە دەبێت و گۆڕانکاریش بە یەکێتییەکی بەهێز دەبێت".

"هەموو دەنگێک گرنگی خۆی هەیە، بەتایبەت بۆ کورد، پێویستە کەمتەرخەمی نەکەین لە بەشداریکردن لە دەنگدان، چونکە دەنگدان لەپێناو خاکە نەک بیروباوەڕی سیاسی ، ئەو خاکەی چەندین ساڵە داگیر دەکرێت"، سەعدی پیرە وای وت.

وتەبێژی یەکێتی ئەوەشی وت: "بۆ ئەوەی پێکەوە ژیان مسۆگەر بکەین و هاووڵاتیان ئازاد بن لە بیروڕاکانیان و رێگا بە هێزی داپڵۆسێنەر نەدرێت هاووڵاتی بخاتە کونجی زیندان و بەعەرەبکردن روونەداتەوە دەبێت دەنگ بدەن".

سەعات ٧ی بەیانی ئەمڕۆ شەممە ١٦-١٢-٢٠٢٣، دەنگدانی تایبەت بۆ هەڵبژاردنی ئەنجومەنی پارێزگاکانی عیراق دەستیپێکرد، کەتێیدا راگوێزراو و هێزە ئەمنییەکان دەنگ دەدەن، هەروەها پرۆسەکە تا سەعات ٦ـی ئێوارە بەردەوام دەبێت، بەپێی ئامارەکانی کۆمسیۆن ملیۆنێک و ٢ هەزار و ٣٩٣ دەنگدەری تایبەت و ٤٨ هەزار و ٢٦٠ راگوێزراو بەشداری هەڵبژاردن دەکەن.

PUKMEDIA