دەنگدانی تایبەت بۆ هەڵبژاردنی ئەنجومەنی پارێزگاکانی عیراق دەستپێدەکات
کوردستان 12:30 AM - 2023-12-16دەنگدانی تایبەت
ئەمڕۆ شەممە ١٦-١٢-٢٠٢٣، سەعات ٧ـی بەیانی دەنگدانی
تایبەت بۆ هەڵبژاردنی ئەنجومەنی پارێزگاکانی عیراق دەستپێدەکات و راگوێزراو و هێزە ئەمنییەکان دەنگ دەدەن، هەروەها پرۆسەکە تا سەعات ٦ـی ئێوارە
بەردەوام دەبێت.
زیاتر لە ملیۆنێک دەنگدەری تایبەت بەشداری دەنگدان دەکەن
بەپێی
ئامارەکانی کۆمسیۆن ملیۆنێک و ٢ هەزار و ٣٩٣ دەنگدەری تایبەت و ٤٨ هەزار و ٢٦٠
راگوێزراو بەشداری هەڵبژاردنی ئەنجومەنی پارێگاکانی عیراق دەکەن.
لە پارێزگاکانی هەرێمیش پرۆسەکە ئەنجام دەدرێت
لەشاری سلێمانی و هەولێریش هاوشێوەی
پارێزگاکانی دیکەی عیراق، دەنگدانی تایبەت بۆ هەڵبژاردنی ئەنجومەنی پارێزگاکانی عیراق ئەنجام دەدرێت، لەگەڵ ئەوەی هەڵبژاردن لە پارێزگاکانی هەرێم ئەنجام نادرێت، بەڵام بنکەکانی دەنگدان بۆ دەنگدەرانی تایبەت کراونەتەوە کە باری شارستانی و رەگەزنامەیان لەپارێزگا جێناکۆکەکانە.
بەپێی زانیارییەکانی PUKMEDIA، لەچەند رۆژی رابردووەوە کۆمسیۆنی باڵای سەربەخۆی
هەڵبژاردنەکانی عیراق سەرجەم ئامادەکارییەکانی لەشاری سلێمانی تەواوکردووە و ئەمڕۆ
١٦-١٢-٢٠٢٣ لەسەعات ٧:٠٠ی بەیانی تا ٦:٠٠ی ئێوارە دەنگدانی تایبەت ئەنجامدەدرێت، بۆ ئەو مەبەستەش لەناو سەنتەری شاری سلێمانی ٥ بنکە و لەتەواوی شارەکە ٢٠ بنکە بۆ
دەنگدانی تایبەتی ئاوارەکان و هێزە ئەمنییەکان ئامادەکراون، کە ژمارەیان زیاتر
لە ٢٧ هەزار دەنگدەر دەبێت و سەرجەم رێکارە پێویستی و ئەمنییەکانیش گیراونەتە بەر.
هاوکات هەر ئەمڕۆ ١٦-١٢-٢٠٢٣، لەشاری هەولێریش هاوشێوەی
شارەکانی تری هەرێمی کوردستان لەسەعات ٧:٠٠ی بەیانی تا ٦:٠٠ی ئێوارە دەنگدانی
تایبەت دەستپێدەکات و زیاتر لە ٢٠ هەزار و ٥١٥ کەس مافی دەنگدانیان هەیە، لەو
رێژەیەش زیاتر لە ٥ هەزار دەنگدەریان هاووڵاتین و ١٥ هەزار و ٥١٥ دەنگدەریشیان
هێزە ئەمنییەکانن، هەروەها ١٩ بنکە لە تەواوی شاری هەولێر ئامادەکراون کە ٧
بنکەیان بۆ ئەو هاووڵاتیانەن کە کۆبۆنی خۆراکیان دەرەوەی ئیدارەی هەرێمە و لە هەولێر
نیشتەجێن، ١٢ بنکەشیان بۆ دەنگدانی تایبەتە و سەرجەم رێکارە پێویستی و
ئەمنییەکانیش گیراونەتە بەر.
دەنگدانی گشتی دەستپێدەکات
هاوکات
رۆژی دووشەممە ١٨-١٢-٢٠٢٣ لەسەعات ٧:٠٠ی بەیانییەوە دەنگدانی گشتی لە ١٥
پارێزگاکەی عیراق بەڕێوەدەچێت و تا سەعات ٦:٠٠ی ئێوارە بەردەوام دەبێت.
زیاتر لە ١٥ ملیۆن دەنگدەری گشتی بەشداری دەنگدان دەکەن
بەپێی
ئامارەکانی کۆمسیۆنیش ١٥ملیۆن و ١٠٨هەزار و ١٣٥ دەنگدەری گشتی بەشداری هەڵبژاردنی
ئەنجومەنی پارێزگاکانی عیراق دەکەن و سەرجەم ئامادەکارییەکانیش بۆ ئەو مەبەستە
تەواوبووە.
نزیکەی ٨ هەزار ناوەند و ٣٩ هەزار وێستگەی دەنگدان بۆ دەنگدەران ئامادەکراون
بەمەش
١٦ ملیۆن و ١٥٨ هەزار و ٧٨٨ دەنگدەر بە گشتی و تایبەت و راگوێزراوەوە بەشداری
هەڵبژاردنەکانی ئەنجومەنی پارێزگاکانی عیراق دەکەن و ٧ هەزار و ٧٦٦ ناوەند و ٣٨
هەزار و ٤٠ وێستگەی دەنگدان بۆ دەنگدەران ئامادەکراوە.
لەهەڵبژاردنی
ئەنجومەنی پارێزگاکانی عیراقدا بەپێی ئەو ئامارانەی کۆمسیۆنی هەڵبژاردنەکان رایگەیاندووە، 134 لیست بەشداری هەڵبژاردنی ئەنجومەنی پارێزگاکان دەکەن کە 39
هاوپەیمانی و 29 حزب و 66 کاندیدی سەربەخۆن، کە نزیکەی ٤٠ رۆژە بانگەشە بۆ لیست و
کاندیدەکانیان بەردەوامبوو، سەرلەبەیانی دوێنێش بەشێوەیەکی رەسمی لەلایەن کۆمسیۆنی باڵای
سەربەخۆی هەڵبژاردنەکانی عیراقەوە بانگەشە راگیرا و ئەمڕۆش دەنگدانی
تایبەت دەستپێدەکات و رۆژی دووشەممە ١٨-١٢-٢٠٢٣ دەنگدانی گشت بەڕێوەدەچێت و کۆتایی
بە هەڵبژاردنی ئەنجومەنی پارێگاکانی عیراق دێت.
PUKMEDIA
هەواڵی زیاتر
-
وەزیری کشتوکاڵ: وەک پارێزگاکانی دیکەی عیراق گەنمی جوتیارانی هەرێم وەردەگیرێت
11:14 PM - 2024-05-05 -
قوباد تاڵەبانی بەشداری پرسەی هاوسەری د.فوئاد حسێن دەکات
10:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
01:36 PM - 2024-05-05 -
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04
ئەمانەش ببینە
کوردستان 01:42 PM - 2024-05-05 سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
ئهندامێكی لیژنهی دارایی: تهوتین دواكهوتنی مووچه چارهسهر دهكات
11:47 AM - 2024-05-05
٧٢ هەمین هەفتانەی دیجیتاڵی ئینگلیزی بڵاودەكرێتەوە
09:23 AM - 2024-05-05
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
07:34 PM - 2024-05-04
سەرۆک بافڵ دەچێتە ئەمریکا
05:24 PM - 2024-05-04
زۆرترین خوێنراو
-
قوباد تاڵەبانی بەشداری پرسەی هاوسەری د.فوئاد حسێن دەکات
کوردستان 10:42 PM - 2024-05-05 -
وەفدێکی یەکێتی بەشداری لە جەژنی قیامەی مەسیحیەکان دەکات
ی ن ک 08:56 PM - 2024-05-05 -
شاڵاو کۆسرەت رەسوڵ لەهەولێر بەشداری ژمارەیەک پرسە دەکات
پرسەنامە 07:56 PM - 2024-05-05 -
هاوخەمی قوباد تاڵەبانی بۆ بنەماڵەی خەسرەوی حەمەی محە
پرسەنامە 06:08 PM - 2024-05-05 -
هاوخەمی قوباد تاڵەبانی بۆ کۆچی دوایی عەبدولستار محەمەد
پرسەنامە 04:39 PM - 2024-05-05 -
سهرباری رێگرییهكانی حكومهتی ههرێم 102 خێزانی ئاواره گهڕانهوه شهنگال
کوردستان 01:42 PM - 2024-05-05 -
سەرۆک بافڵ بەشداری پرسەی شێخی ئیمارات دەکات
ی ن ک 01:36 PM - 2024-05-05 -
ئهندامێكی لیژنهی دارایی: تهوتین دواكهوتنی مووچه چارهسهر دهكات
کوردستان 11:47 AM - 2024-05-05