لەتیف نێروەیی: یەكێتی لەگەڵ ئازاری كەركوكییەكاندا دەژی و زامەكانیان ساڕێژدەكات

PUKMEDIA

لەتیف نێروەیی لێپرسراوی بۆردی راگەیاندن

لەتیف نێروەیی لێپرسراوی بۆردی راگەیاندنی یەكێتی لە وتارێكیدا كە لە بەشی بیروڕای سایتی PUKMEDIA بڵاوكراوەتەوە رایگەیاند: "زنجیرە كۆبوونەوەكانی سەرۆك بافڵ جەلال تاڵەبانی لە شاری كەركوك بەڵگەیەكی بەهێزە كە جیاوازییەكانی نێوان سەرۆك و سەركردایەتی یەكێتی لەگەڵ هێز و لایەنە سیاسییەكانی دیكەی كوردستان دەخاتەڕوو، جیاوازییەكە لەوەدایە كە یەكێتی لە هیچ كات و سەردەم و دۆخێك دا لە كەركوك و كەركوكییەكان دانەبڕاوە و درێژە بە هەمان رێباز دەدات كە سەرۆك (مام جەلال) لە شارەكە پەیڕەوی دەكرد".

راشیدەگەیەنێت: "جیاوازییەكی دیكە ئەوەیە كە سەرۆك و سەركردایەتی یەكێتی لە دورەوە پەیام بۆ كەركوك و كەركوكییەكان نانێرێن، بەڵكو سەركردەكانی یەكێتی لەگەڵ كەركوكییەكان دانەبڕاون و لەگەڵ ئێش و ئازاری ئەواندا دەژین و بەیەكەوە زامی كەركوك سارێژ دەكەن و لەناو ئاپۆڕای جەماوەری شارەكە بە دەنگی دلێر دەڵێن كەركوك هێز و ئیرادەمانە". 

لەتیف نێروەیی لە درێژەی وتارەكەیدا دەشڵێت: "سەركەوتنی ئێمە دەبێتە سەركەوتنی هەموو گەلی كوردستان. هەروەها دەبێتە سەركەوتنی هەموو پێكهاتەكانی كەركوك چونكە لەڕێی ئیدارەیەكی نوێ و پارێزگارێكی كوردەوە بە بێ جیاوازی دەستی ئاوەدانی و خزمەتگوزاری و تەبایی و پێكەوەژیان بۆ هەموو لایەن و پێكهاتەكانی شارەكە درێژ دەكەین و بەیەكیشەوە دەڵێین گشتمان كەركوكین".

گشتمان كەركوكین


PUKMEDIA