عیماد ئەحمەد: پێویستە هەموان لەهەوڵی سەرخستنی کاندیدەکانی یەکێتی بین

PUKMEDIA

یەکێتی لە خانەقین و گەرمیان

رۆژی 11/12/2023 عیماد ئەحمەد ئەندامی مەكتەبی سیاسی و لێپرسراوی مەكتەبی راگەیاندن و هۆشیاری سەردانی مەڵبەندی گەرمیانی كرد و لەلایەن سالار مەحمود لێپرسراوی مەڵبەندەوە پێشوازی لێكرا.‍
‍
عیماد ئەحمەد پیرۆزبایی لە لێپرسراوی نوێی مەڵبەند كرد و هیوای سەركەوتنی بۆخواست، هەروەك لەوتەیەكی كورت دا بایەخی ئەم هەڵبژاردنەی ئەنجومەنی پارێزگاكانی بۆ هەڤاڵانی ئامادەبوو روونكردەوە و دووپاتیكردەوە كە بەشداری كورد لە كەركوك و خانەقین و ناوچە دابڕینراوەكان هەم بۆ كورد و هەمیش بۆ ناسنامەی كوردستانیبوونی ئەو ناوچانە گرنگە بۆ دەنگدان بە لیست و هاوپەیمانیەكانی یەكێتی گەرەنتی سەركەوتنی كورد و پاراستنی ناسنامە كەیەتی.

 هەروەك رۆڵی گەرمیان و گەرمیانییەكانی لە مێژووی بزووتنەوەی رزگاریخوازی گەلی كورد وەبیرهێنایەوە بەتایبەت لە شۆڕشی نوێی گەلەكەمان.

لەوتەیەكیشدا  عیماد ئەحمەد رایگەیاند:" پێویستە هەموومان لە خزمەت سەرخستنی كاندیدەكانی یەكێتی دابین لەم هەڵبژاردنەدا ، بەتایبەت كە كەركوكو و خانەقینە و ناوچەكانی دیكە لە ژێر ئیدارەی هەرێمدا نییە"

هەر لە درێژەی سەردانەکەیدا عیماد ئەحمەد بەمەبەستی پاڵپشتی و پشتیوانی لە سەرخستنی لیستی 120ی یەكێتیی نیشتمانیی كوردستان لەسنوری پارێزگایی دیالە و خانەقین سەردانی قەزایی خانەقینی كرد ، هەرلە سەردانەكەشیدا لەلایەن لیپرسراوی مەڵبەندی "8" خانەقین پێشوازیی لێكرا ، پاشانیش لە كۆبوونەوەیەكی فراواندا و لەهۆڵی شەهیدانی هەڵۆیی سور لەگەڵ بەشێك لە كادیران و ئەندامانی یەكێتی لە ئۆرگانە جیا جیا كاندا كۆبوویەوە.

لە وتەیەکیشیدا بۆ ئامادەبووان عیماد ئەحمەد دەڵێت: "ئەم هەڵبژاردنە بۆ خانەقینینەكان و یەكێتی چارەنوس سازە چونكە یەكێتی و خانەقین  وەك دوومناڵن كەلەیەك سك لە دایك بووبێت، دانیشتوانی خانەقین هەمیشە لە خەباتی قوربانیدان و گیان فیدایی و خۆبەختكردن لە پێناو ئازادیی خاكی پیرۆزی كوردستان و ئاڵایی كوردستان بەبێ ماندوو بوون تیكۆشاون هەربۆیە لە ئیستاشدا بە هەمان رۆحیەتەوە كار دەكەن بۆسەر خستنی لیستی 120 یی یەكێتیی نیشتمانیی كوردستان و كاندیدەكانی".

وتیشی: "خانەقین لەلایی سەرۆك مام جەلال شوێن و پێگەی خۆیی هەبووە بۆیە لەئیستاشدا سەرۆكی یەكێتیی نیشتمانیی كوردستان وتەواوی مەكتەبی سیاس و سەركردایەتی كار بۆسەر خستنی پرۆسەی هەڵبژاردن دەكەین لە خانەقین و كەركوك و سەڵاحەدین ونەینەوا".

PUKMEDIA