شاڵاو کۆسرەت رەسوڵ: یەکێتی پشتیوانی شەبەک و ئێزدییەکانە
کوردستان 05:54 PM - 2023-12-11یەکێتی لە موسڵ
لە درێژەی سەردانەکەی بۆ شاری موسڵ سەرلەبەیانی ئەمڕۆ دووشەممە ١١/١٢/٢٠٢٣ شاڵاو کۆسرەت رەسوڵ بە هاوڕێیەتی هەڤاڵان ئاراس محەمەد ئاغا لێپرسراوی مەڵبەندی نەینەواو فەیسەڵ کەریم خان برادۆستی ئەندامی سەرکردایەتی سەردانی ناحیەی بەعشیقەی کردو لەگەڵ دانیشتوانی سنوورەکە کۆبووەوە.
لەمیانی کۆبوونەوەی لەگەڵ دانیشتوانی سنوورەکە لە بارەگای کۆمیتە شاڵاو کۆسرەت رەسوڵ وتارێکی پێشکەشی ئامادەبووان کرد و بەگرنگیەوە باسی لە رۆڵی کوردانی ئێزدی کردو داوای کرد بەگڕوتینەوە کاربکەن بۆ سەرخستنی کاندیدانی لیستی اتحاد اهل نینوی.
شاڵاو کۆسرەت رەسوڵ وتیشی: ئەرکە لەسەر هەموومان کاربکەین بۆ خزمەتی کوردانی ئێزیدی و ئاوارەکان بگەڕێنەوە سنووری خۆیان، دڵنیاشتان دەکەمەوە وەک یەکێتی بەهەموو هێزو توانامانەوە کاردەکەین بۆ خزمەتی سەرجەم دانیشتوانی موسڵ.
هەر لە بەعشیقە شاڵاو کۆسرەت رەسول سەردانی شێخ کوجک بەرەکاتی کردو سوپاس و دەستخۆشی ئاراستە کرد کە لە ماوەکانی رابردوو رۆڵی ئیجابی هەبووە لە ناوچەکەو داواشی لێکرد پشتیوان بێ لە سەرخستنی کاندیدانی لیستی اتحاد اهل نینوی بە ژمارە ١٣٤.
لەلایەکی تریشەوە پێش نیوەڕۆی ئەمڕۆ دووشەممە ١١/١٢/٢٠٢٣ شاڵاو کۆسرەت رەسوڵ بە هاوڕێیەتی هەڤاڵان ئاراس محەمەد ئاغا لێپرسراوی مەڵبەندی نەینەواو فەیسەڵ کەریم خان برادۆستی ئەندامی سەرکردایەتی سەردانی کۆمیتەی وڵات شەبەکی کردو لەگەڵ کاندیدو جەماوەری سنوورەکە و کوردانی شەبەکی سنوورەکە کۆبووەوە.
لەمیانی وتارێکیدا لە کۆمیتەی وڵات شەبەک، شاڵاو کۆسرەت رەسوڵ سوپاسی ئەو پێشوازییە گەرمەی کوردانی شەبەکی کرد و پاڵپشتی و پشتیوانی یەکێتیی بۆ سنوورەکە دووپات کردەوە و هیوای خواست بەهەمان گڕوتینی ئەمڕۆوە بچنە سەر سندوقەکانی دەنگدان و دەنگ بە کاندیدی لیستی اتحاد اهل نینوی بدەن.
شاڵاو کۆسرەت رەسوڵ باسی لەرۆڵی کوردانی شەبەک و پەیوەندی لەمێژینەیان بە یەکێتیی کرد و دووپاتی کردەوە کەیەکێتیی وەک هەمیشە پاڵپشت و پشتیوانیان دەبێت و بە دەرچوونی کاندیدی سنوورەکە لە لیستی اتحاد اهل نینوی خزمەتی زیاتری ناوچەکە دەکرێت.
شاڵاو كۆسرەت رەسوڵ سەردانی ناحیەی وانە دەكات
هاوكات هەر ئەمڕۆ شاڵاو كۆسرەت رەسوڵ سەردانی ناحیەی وانەیان كرد و لەگەڵ جەماوەری سنوورەكە كۆبووەوە.
شاڵاو كۆسرەت رەسوڵ لە ناحیەی وانە وتارێكی پێشكەشی ئامادەبووان كرد و داوای لێكردن هیمەت بكەن و دەنگ بە كاندیدانی یەكێتی بدەن و كاربكەن بۆ سەرخستنی هاوپەیمانی خەڵكی نەینەوت.
لەسەرجەم سەردان و كۆبوونەوەكانیدا شاڵاو كۆسرەت رەسوڵ بەوپەڕی بایەخەوە باسی لە گرنگی موسڵ كرد و رایگەیاند: "هەڵبژاردنی ئەنجومەنی پارێزگاكان دەكەینە وێستگەیەك بۆ خزمەتكردنی زیاتری دانیشتوانی شارەكە بەبێ جیاوازی".
PUKMEDIA
هەواڵی زیاتر
-
دژەتیرۆر پێشوازی لەکەسوکاری سەربەرزی ئەنفالکراوان دەکات
10:07 PM - 2024-05-19 -
قوباد تاڵەبانی: ئێستا یەکێتی سیاسەتێکی روونی هەیە
06:12 PM - 2024-05-19 -
وتەبێژی یەکێتی: بۆبەهێزکردنی متمانە بەهەرێم پێویستە هەڵبژاردن بکرێت
02:29 PM - 2024-05-19 -
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
12:50 PM - 2024-05-19
ئەمانەش ببینە
قوباد تاڵەبانی تاجەگوڵینە لەسەر مەزاری نەوشیروان مستەفا دادەنێت
05:31 PM - 2024-05-19
یادی یەکەم هەڵبژاردنمان و یەکەم دانیشتنی پەکخستنتان!
09:43 AM - 2024-05-19
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
زۆرترین خوێنراو
-
راوێژکاری سەرۆکی یەکێتی: سەرۆکی حکومەت متمانەی مووچەخۆرانی لەدەستداوە
کوردستان 12:50 PM - 2024-05-19 -
کاك نەوشیروان و ساڵڕۆژی یەکەمین هەڵبژاردنی پەرلەمانیی
بیروڕا 10:18 AM - 2024-05-19 -
19-5 ههرێمی كوردستان یهكهمین ههڵبژاردنی ئازادی ئهنجامدا
کوردستان 09:54 AM - 2024-05-19 -
یادی یەکەم هەڵبژاردنمان و یەکەم دانیشتنی پەکخستنتان!
کوردستان 09:43 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
کوردستان 09:16 AM - 2024-05-19 -
٧٤ هەمین هەفتانەی دیجیتاڵی ئینگلیزی بڵاودەكرێتەوە
جیهان 09:02 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
کوردستان 09:34 PM - 2024-05-18 -
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18