هۆزی جحیش پشتیوانیان بۆ ھاوپەیمانی یەكێتی خەڵكی نەینەوا دووپاتكردەوە

PUKMEDIA

ئەمیری قەبیلەی جحیش لە عیراق پشتیوانی لیستی ھاوپەیمانی یەكێتی خەڵكی نەینەوایە

لەچوارچێوەی سەردان و بەسەركردنەوەكانی بۆ لای چین و توێژەكانی جیاكانی پارێزگای نەینەوا ئاراس محەمەد ئاغا سەرۆكی ھاوپەیمانی یەكێتی خەڵكی نەینەوا بەھاوڕێیەتی شێخ مەزھەر ئەلعەلاوی ئەلجحیشی كاندیدی ژمارە ٧ ی ھاوپەیمانی یەكێتی خەڵكی نەینەوا و وەفدی مەڵبەندی حەوتی نەینەوا سەردانی ئەمیری هۆزی جحیشی كرد و لەلایەن شێخ ئەحمەد حەمود ئەمیری هۆزی جحیش و خزمانی پێشوازی كران.

لە وتەكیشیدا ئاراس محەمەد ئاغا رۆڵی خزمانی جحیشی لەخەبات و قوربانیدان و ئاشتەوایی كۆمەڵایەتی و ھاوكاری خەڵكی دەڤەرەكە بەرزنرخاند و رایگەیاند: "ھاوپەیمانی خەڵكی نەینەوا بەرنامەی جیاوازی ھەیە بۆ خزمەتكردنی دانیشتووانی نەینەوا بەھەموو پێكھاتە و نەتەوە جیاوازەكانی بەشێوەیەك گشت سێكتەرەكانی ژیان دەگرێتەوە".

لای خۆشیانەوە خزمانی جحیش ستایشی هەوڵ و كۆششەكانی یەكێتی و ئاراس محەمەد ئاغا كرد و رایانگەیاند: "وەك هەمیشە لە خزمەتی رێبازەكەی سەرۆك مام جەلالدا دەبن و یەكێتی بەحزبی خۆیان دەزانن"، پشتگیری و پشتیوانی خۆیان بۆ لیستی ھاوپەیمانی یەكێتی خەڵكی نەینەوا كاندیدانی دووپاتكردەوە.

PUKMEDIA