یەکێتی لە ناوچە جێناکۆکەکانیش گرنگی بە بەشداری ژنان دەدات
کوردستان 10:01 AM - 2023-11-28گرنگی یەکێتی و هاوپەیمانێتییەکانی بە ژنان
یەکێتیی نیشتمانیی کوردستان لەرێگەی لیست و هاوپەیمانێتییەکانییەوە بۆ هەڵبژاردنی ئەنجومەنی پارێزگاکان، بەپلان و بەرنامەیەکی گونجاو دەیەوێت خزمەتی زیاتری ژنان بکات و بەشدارییان پێبکات لە کایەی سیاسی و بەڕێوەبردن و بڕیارداندا.
یەکێتیی نیشتمانیی کوردستان بۆ داهاتووی پارێزگا جێناکۆکەکان دەیەوێت گرنگی زیاتر بە ژنان بدرێت و وەک ئۆرگانە حزبییەکان ژنان سوود لە کورسی کۆتا لەحکومەت و دەسەڵاتی بەڕێوەبردن وەربگرن و شانبەشانی پیاوان لەسەرجەم کایەکاندا دەسەڵات بگرنە دەست و خزمەت بکەن.
هاوپەیمانێتی ژمارە ١٤٢ کاردەکات بۆ زیاتر زامنکردنی مافی ژنان
سەمیرە ئەحمەد کاندیدی ژمارە ٤ لە هاوپەیمانی کەرکوک هێز و ئیرادەمانە بە ژمارە ١٤٢ بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" هاوپەیمانێتییەکەمان کاردەکات بۆ زیاتر زامنکردنی مافی ژنان لەناوچە جێناکۆکەکان و هەموو هەوڵێک دەدات لەپێناو ئەوەی جێ دەستی ژنان لەسەرجەم کایەکان بەتایبەت کایە سیاسییەکاندا زیاتر دیاربێت".
"لەگەڵ ئەوەی لە ئۆرگانە حزبییەکاندا بەشێوەیەکی باش ژنان هاتوونەتە پێشەوە و جومگە سیاسییەکانیان وەرگرتووە، هەروەها کاردەکەین بۆ ئەوەی لەسەر ئاستی حکومەتیش ژنان سود لە کورسی کۆتا وەربگرن و دەسەڵاتیان پێبدرێت، تەنانەت کاردەکەین بۆ ئەوەی ژنان لەدەسەڵاتی دادوەری و دەسەڵاتە ئەمنییەکانیشدا ئیستحقاقی خۆیان پێبدرێت و بەشداربن لەدەسەڵات"، سەمیرە ئەحمەد وایوت.
یەکێتی دەستپێشخەری پاراستنی مافی ژنان بووە
یەکێتیی نیشتمانیی کوردستان بە مەبەستی زیاتر بەرزکردنەوەی توانا و ئاستی ژنان، لەڕێگەی ئۆرگانەکانییەوە چەندین خولی بەهێزکردنی بۆ کردوونەتەوە، بۆ داهاتووش گرنگی زیاتر بە توانای ژنان دەدات.
د.هۆزان فاروق کاندیدی ژمارە ٨ لەلیستی یەکێتی لەپارێزگای دیالە بە ژمارە ١٢٠ بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" وەک چۆن لەڕابردوودا یەکێتی دەستپێشخەری پاراستنی مافی ژنان بووە، لەداهاتووشدا لەبەرنامەی لیستەکەماندایە کە زیاتر داکۆکی لەمافی ژنان بکەین و ببینە پارێزەری مافەکانیان".
"یەکێتیی نیشتمانیی کوردستان لەڕێگەی ئۆرگانەکانییەوە چەندین خولی بەهێزکردنی زمان و بەرگدووری و خولی دیکەی لەپێناو بەرزکردنەوەی توانای ژنان و دەستکەوتنی بژێوی ژیانیان لە سنورەکان کردووەتەوە، بۆ داهاتووش گرنگی زیاتر بە توانای ژنان دەدەین و دەرفەتی کاری زیاتریان بۆ دەڕەخسێنین"، د.هۆزان فاروق وایوت
هەوڵدەدرێت ژنان لەکایە سیاسی و سەربازی و ئەمنییەکاندا کاربکەن
یەکێتیی نیشتمانیی کوردستان لە نەینەوا کاردەکات بۆ ئەوەی ژنان لەسەرجەم بوارە جیاجیاکاندا رۆڵیان هەبێت، بە جۆرێک لەکایە سیاسی و سەربازی و ئەمنییەکانیشدا کاربکەن.
لەیلا ئەڤداڵ کاندیدی ژمارە ٢ لەهاوپەیمانی خەڵکی نەینەوا بە ژمارە ١٣٤ بە سایتی رەسمیی یەکێتیی نیشتمانیی کوردستان PUKMEDIA ی راگەیاند:" کاردەکەین بۆ ئەوەی ژنان ئازاد بنوشانبەشانی پیاوان لەکایە سیاسی و سەربازی و ئەمنییەکاندا کاربکەن".
"چەندین پرۆژەی بچوکمان کردووەتەوە کە ژنان بەشداری کارابوون تێیدا، کە ئامانج لە پرۆژەکە بەرزکردنەوەی توانای بەڕێوەبردن و دەستگیرۆیکردنیان بووە، تاوەکو ببێتە فاکتەرێک بۆ داهاتوویان و کاریپێبکەن"، لەیلا ئەڤداڵ وایوت.
یەکێتی دەیەوێت ٣٠ ژن بنێرێتە ئەنجومەنی پارێزگاکان
یەکێتیی نیشتمانیی کوردستان لەهاوپەیمانێتییەکانی لەپارێزگاکانی نەینەوا و کەرکوک هەروەها لەپارێزگای دیالە کە بەلیستی سەربەخۆ بەشداری هەڵبژاردنی ئەنجومەنی پارێزگاکانی عیراق دەکات لەکۆی ١١٢ کاندید، نزیکەی ٣٠ کاندیدی ژنی بۆ ئەنجومەنی پارێزگاکانی نەینەوا و کەرکوک و دیالە کاندید کردووە و ئەمەش گرنگی پێدانی یەکێتی بۆ ژنان دەردەخات و لەوچوارچێوەیەشدا هەوڵدەدات رۆڵی ژنان لەناو حکومەتە خۆجێیەکاندا زیاتر بێت، بۆ ناوخۆی حزبیش یەکێتیی نیشتمانیی کوردستان گرنگی زۆری بەڕۆڵ و پێگەی ژنان داوە و پۆستی گرنگی وەک ئەندامی مەکتەبی سیاسی و سەرکردایەتی پێبەخشیون، ئەمە جگە لەوەی لەناو حکومەتیشدا لەسەر پشکی یەکێتی سەرۆکی پەرلەمان و وەزیر و قائیمقام و بەڕێوەبەری ناحیە و سەرۆکی زانکۆ و بەڕێوەبەری بەڕێوەبەرایەتییەکانی پێداون.
PUKMEDIA
هەواڵی زیاتر
-
شاڵاو کۆسرەت رەسوڵ: یەکێتی ئامادەیە بۆ هەڵبژاردن
04:20 PM - 2024-05-21 -
کۆمسیۆن پێنج کورسی پەرلەمانی بۆ پیکهاتەکانی کوردستان دیاریدەکات
10:51 AM - 2024-05-21 -
مەکتەبی سکرتارییەت: بەرهەمەکانی مامۆستا ئەنوەر قەرەداغی سەرمایەیەکی بەنرخن
02:00 PM - 2024-05-20 -
قوباد تاڵەبانی: ئێران وڵاتێكی بههێزهو بهسهر ئهم كۆستهدا زاڵ دهبێت
01:13 PM - 2024-05-20
ئەمانەش ببینە
کوردستان 02:09 PM - 2024-05-21 دادگای فیدراڵی سكاڵاكهی مهسرور بارزانی لهبارهی كورسی پێكهاتهكان رهتكردهوه
وتەبێژی یەکێتی: هەرگیز یەکێتی لەگەڵ نەمانی کورسی پێکهاتەکان نەبووە
12:34 PM - 2024-05-21
قوباد تاڵەبانی: ئیرادەی گەلی ئێران رۆژە ناخۆشەکان تێدەپەڕێنێت
10:30 AM - 2024-05-21
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
06:08 PM - 2024-05-20
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
02:43 PM - 2024-05-20
زۆرترین خوێنراو
-
کاروان ئەنوەر: هەوڵەکانمان دەخەینەگەڕ بۆ ئازادکردنی شاکار ستار
کوردستان 03:28 PM - 2024-05-21 -
دادگای فیدراڵی سكاڵاكهی مهسرور بارزانی لهبارهی كورسی پێكهاتهكان رهتكردهوه
کوردستان 02:09 PM - 2024-05-21 -
شاڵاو کۆسرەت پرسەنامەیەک ئاراستەی ئازاد سماقولی دەکات
پرسەنامە 01:39 PM - 2024-05-21 -
وتەبێژی یەکێتی: هەرگیز یەکێتی لەگەڵ نەمانی کورسی پێکهاتەکان نەبووە
کوردستان 12:34 PM - 2024-05-21 -
کۆمسیۆن پێنج کورسی پەرلەمانی بۆ پیکهاتەکانی کوردستان دیاریدەکات
کوردستان 10:51 AM - 2024-05-21 -
قوباد تاڵەبانی: ئیرادەی گەلی ئێران رۆژە ناخۆشەکان تێدەپەڕێنێت
کوردستان 10:30 AM - 2024-05-21 -
قوباد تاڵەبانی بۆ باڵیۆزی کوەیت: پەیوەندی بازرگانی بەهێزتر بکەین
کوردستان 06:08 PM - 2024-05-20 -
رێكخراوی پهیامنێران: لهسهر داوای داواكاری گشتی شاكار ستار دهستگیركراوه
کوردستان 02:43 PM - 2024-05-20