یەكڕیزی و یەكگوتاری، تەنیا بژاردەیە
ی ن ک 09:24 AM - 2023-11-27سەروتاری PUKMEDIA
سەروتاری PUKMEDIA
یەكێتیی نیشتمانیی كوردستان، جارێكی دیكە جووڵەیەكی سیاسی و دیپلۆماسی بۆ لای حزب و لایەنە سیاسییەكان دەستپێكردووە، كە ئامانجی سەرەكی یەكڕیزی و یەكخستنەوەی ناوماڵی كورد و ئەنجامدانی هەڵبژاردنێكی بێگەردە بۆ پەرلەمانی كوردستان كە جێی خواستی خەڵك بێت، هاوتەریبیش بەرژەوەندییە باڵاكانی هەرێم بەپێكەوەیی و بەرپرسیارێتی نیشتمانی هەمووان بپارێزرێن.
یەكێتیی نیشتمانیی كوردستان لەدوای پێنجەمین كۆنگرەی خۆی و لە یەكەمین كۆبوونەوەی ئەنجومەنی سەركردایەتی لەسەر راسپاردەی بافڵ جەلال تاڵەبانی سەرۆكی یەكێتیی نیشتمانیی كوردستان دەستپێشخەریی بۆ زاڵكردنی زمانی دیالۆگ و چارەسەری كێشەكان لە پێناوی یەكڕیزی ناوماڵی كورد راگەیاند و هەرخۆیشی سەرۆكایەتی وەفدی یەكێتی دەكات، تاوەكو رێگای بڕیاردانی سیاسی لەو پێناوەدا خێراتر بكات و كات و دەرفەت لەدەست نەدرێت، چونكە بەخوێندنەوەی یەكێتی بۆ قۆناغەكان، نابێت چیتر دەرفەتەكانی یەكڕیزی و ئاشتەوایی و خزمەتكردنی كۆمەڵانی خەڵك دوابخرێن.
جگە لەوەی روئیای سیاسی بۆ یەكڕیزی و ئاشتەوایی روونە، ئەوا وانەكانیشی بۆ هێزە سیاسییەكان روونترن، كە لە مێژووی بزووتنەوەی رزگاریخوازی كورد دا رۆشنن و جێدەستی یەكێتیی نیشتمانیی كوردستانیش دیارە، بەرهەمەكەیشی بۆ كۆمەڵانی خەڵك و خەباتەكەی زوو چنرانەوە، بۆیە هیچ كاتێك كورد و بزووتنەوە سیاسییەكەی زیانی لە یەكڕیزی و یەكگوتاریدا نەكردووە، بەڵكو بە پێچەوانەوە زیانی لە ترازانی ناوماڵی كورد دا كردووە.
مێژووی سیاسی خۆمان، وانەی زۆر و نزیكیان تێدایە لە سەركەوتن كە فاكتەرەكانی یەكڕیزی و ئاشتەوایی سیاسی ناوماڵی كورد بوون، هەر لە راپەڕینی ئاداری 1991، هەڵبژاردن و پێكهێنانی حكومەتی خۆماڵی 1992، بەشداری راستەقینەی كورد لە رووخاندنی رژێمی بەعس 2003، بەشداری كارای كورد لەعیراقی نوێ 2005، دانانی ماف و هەقبەشی كورد لە بودجەی عیراق بەرێژەی 17% و لە سەر ئاستی هەرێمیش نموونەكانی سەركەوتنی یەكڕیزی زۆرترن، بۆیە ئێستاش یەك رێگای سەركەوتن لەبەردەم هێزە سیاسییە كوردستانییەكاندا هەیە ئەویش "یەكڕیزی ناوماڵی كورد و یەكگوتاری"یە، كە یەكێتی رووی تێدەكات و پشتی تێناكات و بەپێویستی دەزانێت بەزوویی لەمپەڕ و ئاستەنگەكانی بەردەم سەرخستنی لاببرێن.
لە خوێندنەوەی سادەی ئەم سوود و زیانەدا، ئەوا یەكێتیی نیشتمانیی كوردستان بێ دوودڵی بۆ جێبەجێكردنی دەستپێشخەرییەكەی سەرۆك بافڵ لە دەرگای سیاسی هێزە كوردستانییەكان دەدات، تاوەكو بە یەكگوتاریی و یەكڕیزی ناوماڵی خۆمانەوە، هەم بەرەوڕووی ئاڵنگاریی و پێشهاتەكانی هەرێم و عیراق ببینەوە، هەمیش بەربگرین لە زیانگەیاندن لەئەزموون و قەوارەی هەرێم و پڕۆسەی سیاسی و حوكمڕانی هەرێم و شەڕی رەوای ماف و ژیان و مووچەخۆرانی هەرێم لەگەڵ عیراق بەسوود كۆتایی پێبهێندرێت، ئەم شەڕەش یەك سەنگەری هەیە كە یەكڕیزی و یەكگوتاریی سیاسی و یەك ئیرادەیی كوردە.
یەكڕیزی ناوماڵی كورد و یەكگوتاریی و زاڵكردنی زمانی دیالۆگ و پاراستنی هەرێم و سیستمە دیموكراسییەكەی بۆ یەكێتیی نیشتمانیی كوردستان، بەرپرسیارێتی نیشتمانییە و لێی راناكات، بەڵكو بۆی رادەكات تاوەكو زەمینەیەكی لەباری سیاسی و حوكمڕانی و دیموكراسی شایستە لەهەرێمدا هەبێت، كە لە سەركەوتن و ئارامیدا لەنگەر بگرێت، ئاڵنگارییەكان رابماڵێت، نەوەك تەحەدییەكان بیانچەقێنێت.
PUKMEDIA
هەواڵی زیاتر
-
19-5 ههرێمی كوردستان یهكهمین ههڵبژاردنی ئازادی ئهنجامدا
09:54 AM - 2024-05-19 -
حەوت ساڵ بەسەر كۆچی رەوانشاد نەوشیروان مستەفا تێدەپەڕێت
09:16 AM - 2024-05-19 -
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18
ئەمانەش ببینە
٧٤ هەمین هەفتانەی دیجیتاڵی ئینگلیزی بڵاودەكرێتەوە
09:02 AM - 2024-05-19
وەزیری رۆشنبیری: ئێستا جاسوسی بە ئاشکرا دەکرێت
09:26 PM - 2024-05-18
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
زۆرترین خوێنراو
-
وەزیری رۆشنبیری: ئێستا جاسوسی بە ئاشکرا دەکرێت
کوردستان 09:26 PM - 2024-05-18 -
جاسوسی
بیروڕا 09:23 PM - 2024-05-18 -
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18