پلانی یەكێتی گەڕاندنەوەی ئارامییە بۆ ناوچە جێناكۆكەكان
کوردستان 04:26 PM - 2023-11-09لۆگۆكانی هاوپەیمانی كەركوك هێز و ئیرادەمانە، یەكێتی، هاوپەیمانی خەڵكی نەینەوا
یەكێتیی نیشتمانیی كوردستان بۆ ئارامی و ئاسایشی ناوچە جێناكۆكەكان بەرنامە و پلانی تایبەتی هەیە و بەپێی بەرنامەی هاوپەیمانی و لیستەكانی لە پارێزگاكانی كەركوك و نەینەوا و دیالە و سەڵاحەدین، هەوڵی دەستەبەری ئارامی و ئاسایشی زیاتر بۆ ناوچەكە دەدات، هەروەها تەئكید دەكاتەوە كە پێویستە ئارامی ناو پارێزگاكان بە هێزە ناوخۆییەكانی وەك پۆلیس بسپێردرێت و هێزە دەرەكییەكان بكرێنە دەرەوەی شار.
متمانەی نێوان پێكهاتەكان ئارامی بۆ ناوچەكە دەگەڕێنێتەوە
عامر خەڵەف حەمەد كاندیدی ژمارە ٩ی یەكێتیی نیشتمانیی كوردستان لە هاوپەیمانێتی یەكێتی خەڵكی نەینەوا (اتحاد أهل نینوی)، كە ژمارەكەی ١٣٤ـە بە سایتی رەسمی یەكێتی PUKMEDIA ی راگەیاند: "یەكێتی لەرێگای كاندیدەكانییەوە كاردەكات بۆ كۆتاییهێنان بە هەندێ رەفتار كە بەعەقڵییەتی ستەمكارانەی هەندێ لایەنی سیاسی لە نەینەوا پەیڕەوی دەكەن، تا بتوانین پردی پەیوەندی و گێڕانەوی متمانە لەنێوان پێكهاتە رەسەنەكانی ناوچەكە كە رۆڵیان دەبێت لەدەستەبەركردنی سەقامگیری بۆ پارێزگاكە پێكبهێنین".
"دانانی پلانی گونجاو بۆ بڵاونەبوونەوەی ماددەی هۆشبەر و بازرگانیكردن پێیانەوە، هەروەها كردنەوەی ناوەندی چارەسەركردنی ئاڵودەبووان بە ماددەی هۆشبەر و سپاردنی ئەركی پاراستنی شارەكان بە پۆلیس و هێزەكانی ناوخۆ و سەربەخۆبونیان لەبەجێ گەیاندنی ئەركەكانیان"، عامر خەڵەف وای وت.
یەكێتی: بەرژەوەندی تەسكی حزبی ئارامی كەركوك تێكنەدات
یەكێتیی نیشتمانیی كوردستان وەك هەمیشە هەوڵەكانی بۆ ئارامی ناوچە جێناكۆكەكان و كەركوك چڕتردەكاتەوە و دەیەوێت ئەركی پاراستنی ناو شاری كەركوك بە پۆلیس و هێزە ناوخۆییەكان بسپێردرێت، رێگەش نادات بەرژەوەندی تەسكی حزبی ئارامی كەركوك بشێوێنێت.
جەنگیز عیزەدین مەحمود كاندیدی ژمارەی ١٤ی یەكێتیی نیشتمانیی كوردستان لە هاوپەیمانی كەركوك هێز و ئیرادەمانە كە ژمارەكەی ١٤٢ـە، بە سایتی رەسمی یەكێتیی نیشتمانیی كوردستان PUKMEDIA ی راگەیاند: "وەك چۆن لە رابردوو بۆ ئارامی كەركوك و دەوروبەری یەكێتی شەهیدی داوەو بەرگری لێكردووە، لەداهاتووشدا بەهەمان گڕوتینی رابردوو هەوڵەكانمان لەئەنجومەنی پارێزگاكەوە بۆ ئارامی شارەكە چڕ دەكەینەوە، بۆ ئەوەی ئەركی پاراستنی ناوشارەكە تەنها بە پۆلیس و هێزە ناوخۆییەكان بسپێردرێت".
"یەكێتیی نیشتمانیی كوردستان پارێزەری ئارامی نەك تەنها كەركوك، بەڵكوو پارێزەری هەموو كوردستانە و لەسەر رێبازی سەرۆك مام جەلال درێژە بە ئارامی سەقامگیری بۆ عیراق و كوردستان دەدات، هەروەها هەوڵی بەرتەسككردنەوەی ئەجێندای حزبی و بەرژەوەندی تەسكی حزبی لەسەر حسابی ئارامی كەركوك دەدات"، جەنگیز عیزەدین مەحمود وای وات.
یەكێتی پێشمەرگە بە پێویستییەكی جددی بۆ ئارامی دیالە دەزانێت
یەكێتیی نیشتمانیی كوردستان دەیەوێت لەرێگەی بەرنامەكەیەوە بۆ هەڵبژاردنی ئەنجومەنی پارێزگای دیالە، ئارامی زیاتر بۆ پارێزگاكە دەستەبەر بكات و هێزی پێشمەرگەش بە پێویستییەكی جددی بۆ ئارامی سنوورەكە دەزانێت.
جاسم حەمە ئیسماعیل كاندیدی ژمارەی ٦ی یەكێتی لە لیستی سەربەخۆی یەكێتیی نیشتمانیی كوردستان لە دیالە كە ژمارەكەی ١٢٠ـە، بە سایتی رەسمی یەكێتی PUKMEDIA ی راگەیاند: "لە ڕێی نەهێشتنی جیاوازی نەتەوەیی و ئاینییەوە هەوڵی بەدیهێنانی ئارامی و ئاسایش لەناوچەكەمان دەدەین و بەرنامەی یەكێتیی نیشتمانیی كوردستان دەستەبەری ئارامی زیاترە بۆ پارێزگاكە".
"لەئەگەری دەرچونی زۆرترین كاندیدمان بۆ ئەنجومەنی پارێزگای دیالە، هەوڵدەدەین هێزەكانی ناو پارێزگاكە هێزی دەرەكی نەبن و پۆلیسی فیدراڵی جێگایان بكرێتەوە، ئەمە جگە لەوەی كە بونی هێزی پێشمـەرگە پێویستییەكی جدییەو دەتوانن ئارامی زیاتر بۆ سنورەكە دەستەبەر بكەن"، جاسم حەمە ئیسماعیل وای وت.
یەكێتیی نیشتمانیی كوردستان لە رابردوودا بەخوێن پارێزگاری لە ئارامی كەركوك و ناوچە جێناكۆكەكان كردووە و لە هیچ بارودۆخێكدا بەتەنها جێینەهێشتوون، لە ئێستاشدا لەرێگەی بەرنامەكەیەوە بۆ هەڵبژاردنی ئەنجومەنی پارێزگاكانی عیراق دەیەوێت رێگری لە عەقڵیەتی هەوڵی سەرلەنوێ تەعریبكردن و داگیركردنی زەوی و زاری جوتیارانی كورد و توركمان لە كەركوك بكات، هەروەها دەیەوێت ئەو مەترسیانە نەهێڵێت كە بەهۆی جموجۆڵی تیرۆرستانی داعشەوە لە هەندێك ناوچە بەدی دەكرێن.
هاوكات یەكێتی دەیەوێت بۆ دروستكردنی كەشێكی ئارام و سەقامگیر لە ناوچە جێناكۆكەكان لە رێگەی بەرنامەكەیەوە متمانەی نێوان پێكهاتە رەسەنەكانی ئەو ناوچانە بگەڕێنێتەوە و كۆتاییش بە سیاسەت و عەقڵییەت و دەسەڵاتی خۆسەپێن و تاكڕەوانەی هاوبیرەكانی رژێمی بەعس لە سنووری ناوچە جێناكۆكەكان بهێنێت.
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
زۆرترین خوێنراو
-
خەڵاتی خزمەت بە د. پۆڵا خانەقا دەبەخشرێت
کوردستان 08:35 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16