بەمنزیكانە هەڵمەتی هەڵبژاردن دەستپێدەكات

PUKMEDIA

هەڵبژاردن

لێپرسراوی مەكتەبی هەڵبژاردنی یەكێتی رایگەیاند: "كۆمسیۆنی سەربەخۆی هەڵبژاردنەكانی عیراق سەرجەم كاندیدەكانی یەكێتی بۆ هەڵبژاردنی ئەنجومەنی پارێزگاكانی عیراق پەسندكردووە".

رزگار حاجی حەمە لێپرسراوی مەكتەبی هەڵبژاردنی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند: "یەكێتیی نیشتمانیی كوردستان لە پارێزگاكانی كەركوك، نەینەوا و سەڵاحەدین و دیالە 112 كاندیدی بۆ هەڵبژاردنی ئەنجومەنی پارێزگاكانی عێراق هەیە و كۆمسیۆنی باڵای سەربەخۆی هەڵبژاردنەكانی عێراق سەرجەم كاندیدەكانی پەسەندكردووە".

ئەوەشی خستەڕوو: "هیچ كام لە كاندیدەكانی یەكێتی پێشینەی بەعسی بوونیان نییە و پابەندی سەرجەم مەرجەكانی كۆمسیۆنی سەربەخۆی هەڵبژاردنەكانی عیراقیان بۆ كاندیدبوون هەبووە".

لێپرسراوی مەكتەبی هەڵبژاردنی یەكێتیی دەڵێت: "سەرەتای مانگی داهاتوو هەڵمەتی بانگەشەی هەڵبژاردن دەستپێدەكات و یەكێتیی نیشتمانی كوردستانیش هەموو ئامادەكارییەكی كردووە".

PUKMEDIA