راپۆرتی سیاسی سەرۆك بافڵ لە پێنجەمین كۆنگرەدا
کوردستان 06:58 PM - 2023-09-27بافڵ جەلال تاڵەبانی سەرۆكی یەكێتیی نیشتمانیی كوردستان
بافڵ جەلال تاڵەبانی سەرۆكی یەكێتیی نیشتمانیی كوردستان، لە پێنجەمین كۆنگرەی حزبەكەیدا راپۆرتێكی سیاسی پێشكەشكرد و تیشكی خستەسەر هەڵوێست و بەرپرسیارییەتەكانی یەكێتی لە رابردوودا و رایگەیاند: "یەكێتی هەوڵی جددی دا بۆ راستكردنەوەی رێڕەوی حوكمڕانی و داكۆكیكارێكی سەرسەختی دیموكراسی و مافی مرۆڤ بووە و لە پرسە نیشتمانییەكاندا بەرژەوەندییە حزبییەكانی وەلاناوە".
دەقی راپۆرتە سیاسییەكەی سەرۆكی یەكێتی:
یەكێتی هەموو ئەو راپۆرتە نێودەوڵەتی و ناوخۆییانەی بە نەرێنی لە سەرپرسی ئازادی، دیموكراسی، مافی مرۆڤ و حوكمڕانی دەدوێن و بوونەتە مایەی مەترسی بۆ قەوارە و ناوبانگی هەرێمی كوردستان، بەهەندوەرگرت و پێش هەموو هێزە سیاسییەكان بێدەنگیی شكاند و شانی خستە ژێر بەرپرسیارێتی و راستكردنەوەی رێرەوی حوكمڕانی و داكۆكیكردن لە ئازادی، دیموكراسی و مافی مرۆڤ.
لەسەر پرسی دیموكراسی و هەڵبژاردن، یەكێتی بەدەنگی بەرز داكۆكی لە پاككردنەوەی تۆماری دەنگدەران، هەمواركردنەوەی یاسای هەڵبژاردن و پارێزگاریكردن لە مافی سەربەخۆی پێكهاتەكان و كورسییەكانیان كردووە تاوەكو نوێنەری راستەقینەی خۆیان بن و هیچ لایەنێك بۆ بەرژەوەندی خۆی، كورسیی كۆتاكان بەكارنەهێنێت.
هاوكات لە هەوڵی بەردەوامدا بوو تاوەكو پرسی نەوت، وزە و سەرچاوەداراییەكانی كوردستان بەشێوەیەكی دادپەروەرانە دابەش بكرێت و لە خزمەت ژیانی هاوڵاتیان و ئاوەدانیی هەرێمدا بێت.
بۆ ژیانی حزبیی خۆی، یەكێتی بەسەرپەرشتی سەرۆك بافڵ یەكەمین دیداری یەكێتی سازكرد و یەكێتییەكان بەشداری راستەقینەبوون لە بەرهەمهێنانی پرۆژەی سیاسی بۆ سەرجەم ئۆرگانەكان و دیدگای حزب بۆ سێكتەرەكانی حوكمڕانی لە هەرێم. گۆڕانكارییەكان بەردەوامبوون و لەسەر بنەما، راسپاردە و راپۆرتی بەرهەمهێنراوی دیداری یەكێتی، تەواوی ئۆرگانەكان رێكخرانەوە و خرانەوە خزمەتی گشتی.
دەنگی حەی
گۆڕانكارییەكان بەردەوامبوون، تەواوی مەڵبەندەكانی یەكێتی لەم چوارچێوەیەدا رێكخرانەوە، رۆڵی ژنان و كاریگەرییان لە ژیانی حزبایەتی بەهەند وەرگیرا و رێژەی ژن لە 20ـەوە بۆ ٢٥ دیاریكرا. هاوكات پرۆژەی خولی هۆشیاری و دڵنیایی جۆری، پەرەپێدانی توانای كادر و دەرخستنی رۆڵیان و هێنانەپێشەوەی گەنجان لەتەواوی ئۆرگانەكان خرانە بواری جێبەجكردنەوە و ژیانی حزبایەتی بووژێندرایەوە.
هاوكات لە خەمخۆری یەكێتی بۆ لاوان و خوێندكاران خودی سەرۆكی یەكێتی لە نزیكەوە بەشدار و چاودێرە لە گوێگرتن و جێبەجێكردنی ئەو خواستانەی هەیانە. دەیان كاتژمێری بۆ چارەسەكردنی كێشەكانی خوێندكاران، بەدەنگەوەچوونی پرۆسەی پەرەوردە و خوێندنی باڵا تەرخانكرد. بۆ بەردەوامیی ئەم پرۆسە گرنگە یارمەتیدانی دامەزراوەكانی خوێندنی باڵا و نۆژەنكردنەوەی بەشەناوخۆییەكانی خستە ئەستۆی یەكێتی، لەبری كپكردنی دەنگی ناڕەزایی و خۆپیشاندانەكان، بە كردەوە و خزمەت وەڵامیدانەوە. لە ئەنجامی ئەم خزمەتانەشدا، خوێندكارانی سلێمانی پێشەنگی یەكەمەكانی هەرێم و عیراقیان گرت و زانكۆی سلێمانیش لەسەر ئاستی زانكۆكانی هەرێم پێشەنگی و یەكەمی بەدەستهێنا.
یەكێتیی وەك یەكەمین هێزی سیاسی لە كوردستان و عیراق خەمی پاراستنی ژینگەی كردە كاری لەپێشینەی خۆی و هەڵمەتی نیشتمانیی رواندنی یەك ملیۆن نەمام و سەوزكردنی كوردستانی راگەیاند و لەماوەی ساڵێكدا جێبەجێیكرد. هاوكات پشتیوانیی لە پرۆسەی وزەی پاك بۆ بەرهەمهێنانی كارەبا دەربڕی و لە دامەزراوەكانیدا ئەم هەنگاوە دەخاتە بواری جێبەجێكردنەوە.
لەبەرامبەر جیاكاری دارایی و حوكمڕانی لە سنووری سلێمانی، یەكێتی تەواوی توانای دارایی خۆی خستە خزمەتی گشتی و كەرتەكانی تەندروستی، پەروەردە، خوێندنی باڵا، شارەوانی و ژینگەپارێزی و پشتیوانیی دارایی راستەوخۆی كرد لە پێناو خزمەتكردنی خەڵك و پەكنەكەوتنی ئەم سێكتەرە گرنگانە كە پەیوەندیی راستەوخۆیان بە ژیانی خەڵكەوە هەبوو.
پەیوەست بە بواری ئەمنی و سەربازی، یەكێتی لەدوای 8ی تەمووز بە سەرپەرشتی و بڕیاری سەرۆك بافڵ، پرۆسەی چاكسازی و رێكخستنەوەی هێزەكانی 70 دەستیپێكرد و لە تەواوی لیواكاندا ئەم پرۆسەیە بەردەوامە و تاوەكو ئێستا پێنج لیوا رێكخراونەتەوە. هاوكات سەرباری فشار و بەربەستە حزبی و سیاسییەكان لە هەرێم، 30 لیوای هاوبەش رێكخراونەتەوە كە دوو لیوایان لەچوارچێوەی هێزەكانی عیراقدایە بۆپارێزگاریكردن لەناوچە دابڕێندراوەكان، هەروەها فیرقەیەكی سەربازیش لە سلێمانی دروستكرا و وەك یەكێك لەدەستكەوتە گرنگەكان.
هاوكات لە رووی لۆجستی، پێشخستنی توانای سەرباری، پڕچەككردن و پێشخستنی دارایییەوە، گرنگی زیاتر بە هێزەكانی 70 دراون و لەسەر بنەمای زانستی و دیسپلینی نوێ رێكدەخرێنەوە و ئەم پرۆسەیەش بەردەوامی هەیە. لە رووی مەشق و راهێنانەوە بە شێوەیەكی گشتی گۆڕانكاری نەوعی لە هێزی یەكێتیدا كرا، هێزی كەسی و گرووپ نەهێڵران و ئێستا تەنیا یەك هێز هەیە، ئەویش هێزی یەكێتی و كوردستانە.
پەیوەست بە هێزە ئەمنییەكانیش لەسەر ئاستی ئاژانسی زانیاری و دەزگا ئەمنییەكان، گۆڕانكاری گەورە كرا و تەواوەی ئەم دەزگا ئەمنییانە خرانە دەستێكی ئەمینەوە و خرانەوە خزمەتی ئاسایشی هەرێمی كوردستان.
ئەوەی پەیوەستە بە خواستی خەڵك، كادر و ئەندامی یەكێتی، گرێدانی پەیوەندی خەڵك و یەكێتی و بەدەنگەوەهاتنی داواكارییەكانیان، سەرۆك بافڵ هێڵی سەوز دامەزراند وەك رایەڵەیەكی بەردەوامیی سەرۆك، یەكێتی و خەڵك كە هەموو دەنگە جیاوازەكان بە لێپرسراوە حزبی و حكومییەكان دەگەیەنێت و لە خزمەت هەموو چین و توێژە جیاوازەكاندایە. بەبێ گوێدانە پێشینەی حزبی، ئاینی و نەتەوەیی هەموو سەرنجەكان وەردەگرێت و بەدواداچوونیان بۆ دەكات. كە لەماوەی سێ مانگی كاركردنیدا 18 هەزار پەیوەندی پێوەكراوە.
پەیوەست بەبواری دیپلۆماسی و نێودەوڵەتی، یەكێتی و نوێنەرەكانی بەشدار و بانگهێشتكراون بۆ كۆنفرانسە نێودەوڵەتییەكان بە تایبەت لە ئەوروپا، جیهانی عەرەبی، ئاسیا و ئەمریكا. لەسەر ئاستی باڵیۆزخانە، كونسوڵ و نوێنەرایەتییەكان یەكێتی ئاستی پەیوەندییەكانی لە هەڵكشاندایە و لە چوارچێوەی بەرەژەوەندییە باڵاكانی گەلەكەمان پەیوەندییەكانی گەشەپێداوە.
لەسەر ئاستی كوردستانی گەورە، بێگوێدانە هەڕەشە ئیقلیمییەكان لەسەر بنەمای رێزگرتن لە مافی دراوسێیەتی لەگەڵ گەلەكەمان بووە و كارین بۆ بەردەوامیی پڕۆسەی ئاشتی كردووە. باوەڕی تەواوی بە چارەسەركردنی ئاشتییانەی كێشەكان و گفتوگۆ و لێكتێگەیشتن بووە و تاوەكو پرسی كوردیش چارەسەرنەبێت، سەقامگیری لەناوچەكە بەدینایەت .
بە شێوەیەكی گشتی یەكێتی بە سەرۆكایەتیی سەرۆك بافڵ جەلال تاڵەبانی، لە قۆناغێكی زێڕینی یەكڕیزیی، یەكبڕیاری و یەكهێزیدایە بۆ گەشەپێدان و پاراستنی سێ یەكێتییە پیرۆزەكە، یەكێتیی كۆمەڵانی خەڵك، یەكێتی ناو یەكێتی، یەكێتیی نیشتمانیی كوردستان.
PUKMEDIA
هەواڵی زیاتر
-
سەرۆک بافڵ بۆ دەنگی ئەمریکا: هێزەکانی ئەمریکا دەستبەجێ لە عیراق ناکشێنەوە
10:12 PM - 2024-05-08 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
03:25 PM - 2024-05-08
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
02:16 PM - 2024-05-08
یەکێتی تانە لەبڕیارەکەی کۆمسیاران دەدات
11:32 AM - 2024-05-08
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
10:35 AM - 2024-05-08
زۆرترین خوێنراو
-
وەفدێكی مەکتەبی سکرتارییەت سەردانی ڕێبوار ئەنوەر بەگ دەکات
ی ن ک 02:07 PM - 2024-05-08 -
یەکێتی تانە لەبڕیارەکەی کۆمسیاران دەدات
کوردستان 11:32 AM - 2024-05-08 -
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
کوردستان 10:35 AM - 2024-05-08 -
کۆمسیۆن کارەکانی هەڵبژاردنی پەرلەمانی کوردستانی هەڵپەسارد
کوردستان 10:01 AM - 2024-05-08 -
ناشادی شێوەکار کۆچی دواییکرد
پرسەنامە 11:03 PM - 2024-05-07 -
دادگای فیدراڵی و 78 ساڵی خەباتی پارتی لە بەردەم ئیحراجیدا
بیروڕا 10:47 PM - 2024-05-07 -
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07