یەكێتی پێش خۆی كەركوكی هەڵبژارد
بیروڕا 12:12 PM - 2023-08-21بيروڕا
هەڤاڵ حەمەعەزیز
راستەڕێی خەبات پێویستی بە پەلەپڕوزێ و هەڵای میدیایی نییە تاكو خەڵك چەواشە بكات بەڵكو بە پشوودرێژی و بڕیاری ژیرانە دەستەبەر دەبێت، یەكێتی چونكە لەسەر ئەو راستەڕێیەدایە، هەموو جووڵە سیاسییەكانی ئاماژەن بۆ لەئەستۆگرتنی لێپرسراوێتی بەرامبەر بە كورد و كوردستان، لە چوارچێوەی ئەو لێپرسراوێتییەدا، یەكێتی قۆناغێكی سیاسی پڕ لە هەوراز و نشێوی تێپەڕاند، وا لە یەك كاتدا، خۆی بۆ قۆناغێكی هەستیار ئامادە دەكات. ئەوانیش قۆناغی هەڵبژاردنی ئەنجوومەنی پارێزگەكان و قۆناغی كۆنگرەی پێنجە.
لە قۆناغی رابردوودا یەكێتی لێپرسراوانە و نەسرەوتانە، كاریگەریی سیاسەتە لارەكانی ئەوانی تری راستكردەوە، بەو جۆرەیش كۆتایی بە دۆخی ئیستیفزاز و كامەكزێ هێنا. هاووڵاتیانی هەرێمی كوردستان و ناوچەدابڕێنراوەكانی لە كاریگەریی سیاسەتی ئیستیفزازی كەسانی تر پاراست. هیچ نەبێ كۆتایی بەو قۆناغە هێنا و كوردستانیانی بردە قۆناغێكی نوێیەوە. هەروەها هەمووانی تێگەیاند نە سیاسەت بە ئیستیفزاز دەكرێت و نە وڵات بە قەیران بەڕێوەدەچێت، كۆن نەبووە تاكو لەبیرمان بچێت. بە هۆی سیاسەتی ئیستیفزازەوە كەم نەبوون ئەوانەی هەڕەشەیان لە كورد و كوردستانیان دەكرد بەڵام یەكێتی هەموویانی هێنایە سەر مێزی گفتوگۆ و دانوستان. هەروەها لەباتی هەڕەشە و هەڵاهەڵای میدیایی، یەكێتی داوای لێكتێگەیشتنی كرد و بەرهەمەكەشیمان دیت. كەچی هێشتا یەكێتی بە سیاسەتی پشوودرێژانەی خۆی و لەسەر شێوەی راستەڕێی خەبات، هەوڵدەدات سەركێشییە نالۆجیكییەكەی بەگلەرانی قەیران هێوەر بكاتەوە و جارێكی دی رێگە راستەكەی تێكوشان و خەباتیان نیشان بداتەوە. هەر بۆ ئەوەش بوو داوایكرد هەموو پارتە كوردییەكان بە یەك لیست لە كەركوك و ناوچە دابڕێنراوەكان بەشداری لە هەڵبژاردنەكان بكەن، چونكە یەكێتی پێی وایە كوردستان كاڵا نییە تاكو هەندێك لایەن بیفرۆشن و چارەنووسمان هێندە هەرزان نییە تاكو بەگەكانی قەیران قوماری لەسەر بكەن.
ئێستا یەكێتی لە كەركوكەوە تیهەڵدەچێتەوە و گیانی یەكێتێبوون و كوردبوون جۆش دەداتەوە، بەو جۆشدانەوەیەش كاتێتی ئیستیحقاقی قۆناغی رابردوو بۆ كورد و كەركوك ئینجا بۆ مێژوو وەربگرێتەوە بۆ ئەوەی جارێكی تریش بیسەلمێنێت یەكێتی لەسەر راستەڕێی خەباتی نەسرەوتانەیە، لە كۆنگرەدا یەكێتی وەك زێڕ جۆشدەدرێتەوە تاكو ببێتە سوپەر و قەڵغانی كەركوك، بۆ ئەوەی بەگلەرانی قەیران، بە قەیرانە یەك لە دوای یەكەكانیان یاری بە چارەنووسی كورد و كەركوكەوە نەكەن. هەروەها یەكێتی جۆشدەدرێتەوە بۆ ئەوەی لە قۆناغی داهاتووی خەباتدا، دیموكراسی و كوردایەتی بكاتە مەرجی جموجۆڵی سیاسی.
یەكێتی لە كەركوكەوە بڕیاری كۆنگرەی دا و هەر لە كەركوكیشەوە دەستەبەركردنی ماف و شایستە نەتەوەییەكانمان جۆشدەداتەوە. هەر بۆیە لە كەركوكیشەوە كۆتایی بە پلان و پرۆژەی قەیران داڕێژەران و تاكڕەوەكان دەهێنێت.
PUKMEDIA
هەواڵی زیاتر
-
مەکتەبی هەڵبژاردن: بەردەوامین لەکارەکانمان
11:21 PM - 2024-05-15 -
وەفدێکی یەکێتی بەشداری لە پرسەی چوار خوێندکارەکەدا دەکات
09:12 PM - 2024-05-15 -
عیراق 443 ملیار دیناری بۆ هەرێم ناردو خشتەی مووچە بڵاوکرایەوە
05:54 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
12:19 PM - 2024-05-15
ئەمانەش ببینە
سەرۆک بافڵ لە واشنتن: ئامانجمان داڕشتنەوەی سیاسەتێکی نیشتمانیی تۆکمەیە
09:16 PM - 2024-05-15
قوباد تاڵەبانی: بەهیمەتی سەرۆک بافڵ یەکێتی ئێستا هێزێکی زۆر کاریگەرە
05:36 PM - 2024-05-15
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
02:13 PM - 2024-05-15
سهرۆك بافڵ بۆ مامۆستایان: بهرگریکردن لهمافهكانتان ئهركمانە
12:56 PM - 2024-05-15
زۆرترین خوێنراو
-
مەکتەبی سکرتارییەت: تێکۆشەرانی یەکێتی مایەی شانازی هەموولایەکمانن
ی ن ک 02:47 PM - 2024-05-15 -
سەرۆک بافڵ: دەبێت هەموو هەنگاوەکان لەپێناو ئاشتی و سەقامگیریدا بێت
کوردستان 02:13 PM - 2024-05-15 -
سهرۆك بافڵ بۆ مامۆستایان: بهرگریکردن لهمافهكانتان ئهركمانە
کوردستان 12:56 PM - 2024-05-15 -
سەعدی پیرە: یەکێتی باشترکردنی ژیانی خەڵکی دەوێت
کوردستان 12:19 PM - 2024-05-15 -
قوباد تاڵەبانی بۆ وەزیری کشتوکاڵ: پەرەی زیاتر بە کەرتی کشتوکاڵ بدرێت
کوردستان 11:24 AM - 2024-05-15 -
جێبەجێکردنی بڕیارەکانی دادگای فیدراڵی تاکە رێگەی چارەسەری مووچەیە
کوردستان 10:23 AM - 2024-05-15 -
قوباد تاڵەبانی: مامۆستایان پێشەنگی قوربانیدانن
کوردستان 09:26 AM - 2024-05-15 -
پەیامی هاوخەمی شاڵاو کۆسرەت رەسوڵ بۆ لەتیف فاتح فەرەج
پرسەنامە 12:08 AM - 2024-05-15