پاشگری حکومەت و هەڵوێستی حزبی سەری لەوتەبێژ تێكداوە
کوردستان 10:56 AM - 2023-04-28ميدياكان
كاتێك لە هەڵوێست و لێدوانەكانی وتەبێژی حكومەت ورد دەبیتەوە گومان دەكەیت وتەبێژی حكومەتە یان حزبێكی دیاریكراوی ناو حكومەت؟ لەوچوارچێوەیەشدا مامۆستایەكی زانكۆ دەڵێت: "پابەندبوون بە ئیتیكی رۆژنامەوانی و رەوانبیژی و سادەیی بابەتیبوون و بێلایەنی مەرجی وتەبێژبوونە".
پێشتریش قوباد تاڵەبانی جێگری سەرۆكی حكومەت لەبارەی ئەدای وتەبێژی حكومەتی هەرێم رایگەیاندووە: "جوتیار عادل وتەبێژی حكومەتی هەرێمی كوردستان نییە و تەنها نوێنەرایەتی حزبێك دەكات لە ناو حكومەتدا و بە هیچ شێوەیەك بۆی نییە بە ناوی هەموو حكومەتەوە قسە بكات".
د.پاڤێ جەمیل راگری كۆلێجی زانستەمرۆڤایەتییەكانی زانكۆی سلێمانی بە سایتی رەسمیی یەكێتیی نیشتمانیی كوردستان PUKMEDIA ی راگەیاند: "وتەبێژی حكومەت پێش ئەوەی بەرپرسێكی باڵای حكومەت بێت، دەبێت رۆژنامەنووسێكی باش بێت، تابتوانێت پەیامەكانی حكومەت بەشێوەیەكی راست و رەوان بگەیەنێتە خەڵك، چونكە ئەو بەرپرسیاریەتییە ناكرێت بدرێت بە هەموو كەسێك لەكاتێكدا زمانی حكومەتە".
"پێویستە پەیامەكانی وتەبێژ كاریگەری نەخاتە سەر سایكۆلۆژیای خەڵك، بەپێچەوانەوە دەبێت لەڕێی وتەكانییەوە ئارامی و ئاشتی بێنێتە كایەوە، خەڵك بەگشتی بە ئەرێنی لە وتەكانی بڕوانن و جێی بڕوایان بێت و هەوڵی بەدیهێنانی خواستی هاونیشتمانیان بدات". د.پاڤێ جەمیل وایوت
وتیشی:"پابەندبوون بە ئیتیكی رۆژنامەوانی و رەوانبیژی و سادەیی بابەتیبوون و بێلایەنی لە وتەكانیدا مەرجێكی دیكەی وتەبێژبوونە، پێویستە خۆی بەدووربگریت لە خوڵقاندنی كێشە بۆ هاونیشتمانیان لەرێی وتەكانییەوە".
تێكەڵكردنی بۆچوون و ئینتیمای شەخسی بەپەیامی وتەبێژ هەڵەیەكی كوشندەیە
جگەلەوەی رەوانبێژی و زمانێكی سادە و رەسمی لە تایبەتمەندییەكانی وتەبێژن، هاوكات نابێت بۆچوون و ئینتیمای شەخسی تێكەڵی پەیامی وتەبێژ ببێت، چونكە پردی پەیوەندی نێوان خەڵك و حكومەتە نەك وتەبێژی لایەنێكی دیاریكراو بێت.
هاونیاز سامی مامۆستا لەبەشی تەكنیكی میدیا لە زانكۆی پۆلیتەكنیكی سلێمانی بە PUKMDIA ی راگەیاند: "وتەبێژ پردی پەیوەندی نێوان خەڵك و حكومەتە بەئاڕاستەی باشكردن و بەرەوپێشبردنی پەیوەندییەكانی نێوان دەسەڵات و خەڵك، روونكردنەوەی ئەرك و مافی هاووڵاتیانە لەلایەن حكومەتەوە لەچوارچێوەی جوگرافیایەكی دیاریكراودا".
"وتەبێژ نابێت بۆچوون و ئینتیمای شەخسی تێكەڵی پەیام و كارەكەی بكات، چونكە ئەوە هەڵەیەكی كوشندەیە كەبەسەر وتەبێژەكاندا تێدەپەڕێت، دەبیتە هۆی دووركەوتنەوەی خەڵك لە دەسەڵات و نادادپەروەرییەكەی" هاونیاز سامی وایوت.
راشیگەیاند:" وتەبێژ دەبێت رەوانبێژ و بە زمانێكی سادە و رەسمی ئەو ناوچەیە پەیامەكانی حكومەت ئاڕاستەی خەڵك بكات، بۆئەوەی هەموو خەڵك لێی تێبگات".
نابێت وتەبێژ كەسێكی ئەمنی بێت
وتە و پەیامەكانی جوتیار عادل بەشێوەیەكە نازانرێت وتەبێژی حكومەتە یان لایەنێكی دیاریكراو، چونكەپەیامەكانی روونە كە نەیتوانیووە لە ئاستی ئەو پۆستەدا بێت.
هێمن مەحمود رۆژنامەنووس بە سایتی رەسمیی یەكێتیی نیشتمانیی كوردستان PUKMEDIA ی راگەیاند: "پێویستە وتەبێژ كەسێكی ئەمنی نەبێت، چونكە بێلایەنی خۆی پێناپارێزرێت و لە بەرژەوەندی ئەو حزبە كاردەكات كە پێشتر بەشێك بووە لە بوارە ئەمنییەكەی".
"ئێستا پارتی دیموكراتی كوردستان دوو وتەبێژی هەیە دانەیەكیان كاروباری باڵێكی پارتی رادەگەیەنێت و ئەوەی دیكەیان وتەبێژی باڵەكەی تریانە، بۆیە ناتوانین بە جوتیار عادل بڵیین وتەبێژی حكومەت، چونكە پەیامەكانی روونە كە نەیتوانیووە لە ئاستی ئەو پۆستەدا بێت" هێمن مەحمود وادەڵێت.
بۆیە لەژێر رۆشنایی مەرج و تایبەتمەندییەكانی وتەبێژدا دەپرسین ئایا وتەبێژی حكومەت و راگەیەنراوی نووسینگەی سەرۆكی حكومەت ئەم مەرجانەی تێدایە؟.
PUKMEDIA
هەواڵی زیاتر
-
هێزی پێشمەرگە و سوپای عیراق و هاوپەیمانان کۆبونەوەی باڵا دەکەن
09:34 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
05:33 PM - 2024-05-18 -
کتێبی شەو لەكێوان ناساندنی بۆ كرا
11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
11:08 AM - 2024-05-18
ئەمانەش ببینە
لەهەڵبژاردنی سەرۆکی پەرلەماندا عیساوی پێش مەشهەدانی کەوت
05:45 PM - 2024-05-18
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
04:10 PM - 2024-05-18
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
12:33 PM - 2024-05-18
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
زۆرترین خوێنراو
-
لەهەڵبژاردنی سەرۆکی پەرلەماندا عیساوی پێش مەشهەدانی کەوت
عیراق 05:45 PM - 2024-05-18 -
نێروەیی: هەواڵەکەی خەبات پەیامێکی هەواڵگرییە
کوردستان 05:33 PM - 2024-05-18 -
دەنگدان بۆ هەڵبژاردنی سەرۆکی نوێی ئەنجومەنی نوێنەران دەستیپێکرد
کوردستان 04:10 PM - 2024-05-18 -
سەرۆکی فراکسیۆنی یەکێتی: دانانی پارێزگارێک بۆ کەرکوک کێشەکان چارەسەر دەکات
کوردستان 12:33 PM - 2024-05-18 -
کتێبی شەو لەكێوان ناساندنی بۆ كرا
کوردستان 11:36 AM - 2024-05-18 -
ساڵیادی کۆچی دوایی عادل موراد بەڕێوەچوو
ی ن ک 11:08 AM - 2024-05-18 -
ئهنجومهنی نوێنهران بۆ ههڵبژاردنی سهرۆكهكهی كۆدهبێتهوه
عیراق 09:46 AM - 2024-05-18 -
شەش ساڵ بەسەر کۆچی دوایی عادل موراد دا تێدەپەڕێت
کوردستان 09:11 AM - 2024-05-18