پەرلەمانتارێکی یەکێتی: قائیمقامی داقوق مافی کوردە
کوردستان 04:06 PM - 2023-02-05دیلان غەفور ئەندامی ئەنجومەنی نوێنەرانی عیراق لە فراکسیۆنی یەکێتی
فراکسیۆنی
یەکێتی لە پەرلەمانی عیراق لە دژی سەپاندنی قائیمقامێک لە
رەگەزی عەرەب بۆ قەزای داقوق هەڵوێست وەردەگرێت و داوا لە سەرۆک وەزیرانی عیراق
دەکات لە کاتی دابەشکردنی پۆست لە ناوچە دابڕێنراوەکان رەچاوی پێکهاتەکان بکرێت.
دیلان غەفور ئەندامی ئەنجومەنی نوێنەرانی عیراق لە فراکسیۆنی یەکێتی بە
سایتی رەسمی یەکێتیی نیشتمانیی کوردستان PUKMEDIA ی راگەیاند: "پارێزگاری
سەپێندراوی کەرکوک، جارێکی دیکە دوور لە رەچاوکردنی هاوسەنگی نێوان پێکهاتەکان ناوی
کەسێکی لە پێکهاتەی عەرەبی بەرزکردووەتەوە تا بکرێتە قائیمقامی قەزای داقوق، ئێمە
ناڕەزایی تووندی خۆمان دەردەبڕین و دژی دەستبکاربوونی ئەو کەسە دەوەستینەوە، ئەو پۆستە
پشکی کوردەو هیچ جۆرە سازشێکی لەسەر ناکەین".
"پێویستە سەرۆکوەزیرانی عیراق تێگەیشتنێکی جیاوازی بۆ دۆخی پارێزگای
کەرکوک و پۆستەکان هەبێت و رەچاوی هاوسەنگیی نێوان پێکهاتەکان بکات، ئێمە لەم رووەوە
سەرۆک وەزیرانی عیراق ئاگادار دەکەینەوە کە فشارەکانمان چڕ دەکەینەوە بۆ راگرتنی دەستبەکاربوونی
ئەو کەسە و بەرپرسیارێتی روودانی هەر رووداوێکی نەخوازراو کە ببێتەھۆی تێکدانی
ئاشتی کۆمەڵایەتیی و نێوانی پێکھاتەکان دەخەینە ئەستۆی سەرۆکوەزیران و پارێزگاری سەپێندراوی
کەرکوک"، دیلان غەفور وایوت.
دەشڵێت: "وەک یەکێتی نیشتیمانی کوردستان و فراکسیۆنەکەمان لە بەغدا، هەڵوێستی تووندمان دەبێت و سبەینێ دوو شەممە لەگەڵ خەڵکی خۆشەویستی قەزای داقوق دەست بە خۆپیشاندان و چالاکی مەدەنی دەکەین لە پێناو رێگریی لەو بڕیارەو بەدەستهێنانی مافەکانمان".
پەرلەمانتارەکەی فراکسیۆنی یەکێتی لە کەرکوک وتیشی: "قەزای داقوق دوو نوێنەری لە پەرلەمانی عیراق هەیە کە بەندەو هاوپیشەیەکی تورکمانە، هیچمان رازی نین قائیمقامێک لە پێکهاتەی عەرەبی بۆ قەزاکە دابنرێت، جەخت دەکەمەوە کە ئەو پۆستە پشکی کوردەو سازشی لەسەر ناکرێت".
ئەمەش لەکاتێکدایە کە پێشتر بە بڕیاری پارێزگاری سەپێندراوی کەرکوک، قائیمقامێک لە رەگەزی عەرەب بۆ قەزای داقوق دەستنیشانکرا، بەڵام بە هەوڵی فراکسیۆنی یەکێتی لە ئەنجومەنی نوێنەرانی عیراق و خەڵکی سنوورەکە توانرا ئەو بڕیارە هەڵبوەشێندرێتەوە و رابگیرێت.
دیلان غەفور: بۆ دەربڕینی ناڕەزایی لە داقوق دەبین
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
04:27 PM - 2024-05-16
ئەمانەش ببینە
داهاتی هەفتەی رابردووی سلێمانی نزیکەی 11 ملیار دینارە
08:47 AM - 2024-05-17
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
02:16 PM - 2024-05-16
دەستەی دادوەری هەڵبژاردن لەبەرژەوەندی تانەکەی یەکێتی بڕیاریدا
11:05 AM - 2024-05-16
سەرۆک بافڵ: یەکێتی ئیستا زۆر جیاوازترە لەڕابردوو
09:56 PM - 2024-05-15
زۆرترین خوێنراو
-
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
کوردستان 08:17 PM - 2024-05-16 -
هەڵبــــــــــــژاردن ئەکـــــــــــــــــرێ !
بیروڕا 06:59 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
کوردستان 05:47 PM - 2024-05-16 -
تەنها یەکێتی دژی سکاڵاکەی سەرۆکی حکومەت وەستایەوە
کوردستان 04:27 PM - 2024-05-16 -
لەمەڵبەندی سلێمانی باس لەئامادەکاریی هەڵبژاردن دەکرێت
کوردستان 03:26 PM - 2024-05-16 -
شێخ جەعفەر: خزمەتی زیاتری کەسوکاری شەهیدان بکرێت
کوردستان 02:58 PM - 2024-05-16 -
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
کوردستان 02:53 PM - 2024-05-16 -
یەکێتی 'تانە'کەی دەباتەوەو کۆمسیۆن دەستبەکارەکانی هەڵبژاردن دەکاتەوە
کوردستان 02:16 PM - 2024-05-16