پەرلەمان: چەندینجارە دادگای فیدڕاڵی دژی خەڵكی كوردستان بڕیاردەدات
کوردستان 02:04 PM - 2023-01-26پەرلەمانی كوردستان
پەرلەمانی كوردستان رایدەگەیەنێت: "دادگای فیدڕاڵی چەندین جارە بەبێ لەبەرچاوگرتنی ماف و شایستەكانی خەڵكی كوردستان بڕیار لە دژی ماف و دەسكەوتەكانی دەدات".
لە راگەیەندراوێكدا پەرلەمانی كوردستان دەڵێت: "بەداخەوە جارێكی دیكە دادگای فیدڕاڵیی عیراق، بڕیارێكی دیكەی لە دژی مافەكانی خەڵكی كوردستان دەركرد و ئومێدی رێككەوتن و هەماهەنگیی زیاتری نێوان حكوومەتی هەرێمی كوردستان و حكوومەتی فیدڕاڵیی زۆر كەمكردەوە و بووە سەرەتای گرژكردنەوە ناكۆكییەكان".
راشیدەگەیەنێت: "دادگای فیدڕاڵی، چەندین جارە بەبێ لەبەرچاوگرتنی ماف و شایستەكانی خەڵكی كوردستان بڕیار لە دژی ماف و دەسكەوتەكانی دەدات، وێڕای ئەوەی كە گومان لەسەر دەستووریبوونی كۆی دامەزراوەكەش هەیە و پێویستە بەپێی بنەماكانی دەستوور دابمەزرێندرێت و ڕێز لە مافەكانی تەواوی پێكهاتەكان بگرێت و دادپەروەری و وەكیەكی لەنێوان هەمووان بەدیبهێنیت".
پەرلەمانی كوردستان راشیگەیاندووە: "ئەو بڕیارەی دادگای فیدڕاڵی كاریگەریی راستەوخۆی دەبێت لەسەر ژیان و قووتی فەرمانبەران و سەرجەم خەڵكی كوردستان و خزمەتگوزارییە گشتییەكان. كاریگەریی خراپیش دەكاتە سەر ئەو لەیەككنزیكبوونەوە و لیكتێگەیشتنانەی لەنێوان هەولێر و بەغدا هاتبوونە ئاراوە و خەڵكی هەموو عێراق بە ئومێدبوون ببێتە سەرەتای كۆتایی ناكۆكییەكانی نێوانیان و جێبەجێكردنی ماددە دەستوورییەكان و گێڕانەوەی مافی هەموو ناوچەكان".
دەشڵێت: "ئەو بڕیارەی دادگا دەبێتە هۆكارێك بۆ فرانبوونی درزی نێوان رێككەوتن و پێكهاتنی سەرجەم پێكهاتەكانی عیراق و لەبری نزیككردنەوەی هاووڵاتیان و هێزە سیاسییەكان، پتر لە یەكیان دووردەخاتەوە و كێشە و ناكۆكی و ئاستەنگەكانی عیراقیش زیاد دەكات".
لە راگەیەندراوەكەشدا: "بەناوی پەرلەمانی كوردستانەوە داواكارین هەموو ئەو بڕیارە ناڕەوایانەی لە دژی خەڵكی كوردستان دەركراون هەڵبوەشیندرێنەوە و جارێكی دیكە دەرگا بۆ گفتوگۆ و رێككەوتن بكرێتەوە، دادگا و بنەماكانی یاسا بۆ لێكتێگەیشتن و لەیەكەوەنزیكبوون و دادپەروەرییە، نەك بۆ دووركەوتنەوە و ترازان و خۆسەپاندن".
پەرلەمانی كوردستان
PUKMEDIA
هەواڵی زیاتر
-
سەرۆک بافڵ: هێزەکانی هەرێم و عیراق و هاوپەیمانان هەماهەنگ بن
02:53 PM - 2024-05-16 -
هەموومان لەسەر مەزاری عادل موراد دەبین
04:16 PM - 2024-05-17 -
نوێنەرێکی یەکێتی: کێشەی کارتی نیشتمانی سلێمانی و هەڵەبجە چارەسەردەکرێت
08:17 PM - 2024-05-16 -
قوباد تاڵەبانی: ئەرکمانە کاربکەین بۆ کەمکردنەوەی کاریگەرییەکانی کەشوهەوا
05:47 PM - 2024-05-16
ئەمانەش ببینە
شەش ساڵ بەسەر کۆچی دوایی عادل موراد دا تێدەپەڕێت
09:11 AM - 2024-05-18
سەرۆک بافڵ: پێویستمان بە هەڵبژاردنێكی بێگەردە
06:45 PM - 2024-05-17
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
01:01 PM - 2024-05-17
ئەنجومەنی نوێنەران سەرۆکێکی نوێ هەڵدەبژێرێت
10:38 AM - 2024-05-17
زۆرترین خوێنراو
-
ناسر عەبدولنەبی محەمەد کۆچی دوایی کرد
پرسەنامە 07:25 PM - 2024-05-17 -
سەرۆک بافڵ: پێویستمان بە هەڵبژاردنێكی بێگەردە
کوردستان 06:45 PM - 2024-05-17 -
باخەکانی خانەقی لەنێوان مێژوو... یادەوەریی دا
بیروڕا 04:26 PM - 2024-05-17 -
هەموومان لەسەر مەزاری عادل موراد دەبین
ی ن ک 04:16 PM - 2024-05-17 -
مەعلوم ئەمە (خەبات) نییە
بیروڕا 03:05 PM - 2024-05-17 -
دەرباز کۆسرەت رەسوڵ: ئەمریکا بایەخی زۆر بە سەرنجەکانی یەکێتی دەدات
کوردستان 01:01 PM - 2024-05-17 -
ئەنجومەنی نوێنەران سەرۆکێکی نوێ هەڵدەبژێرێت
عیراق 10:38 AM - 2024-05-17 -
د.ئەرسەلان بایز کتێبێکی نوێ بڵاودەکاتەوە
کوردستان 09:47 AM - 2024-05-17