عیراق..حاڵەتەكانی گیانلەدەستدان بە كۆڕۆنا كەمدەبنەوە

ئەمڕۆ پێنج شەممە 4-8-2022، وەزارەتی تەندروستی عیراق ئاماری سەرجەم تاقیگەكانی سەرانسەری عیراق لە ماوەی 24 سەعاتی رابردوو بڵاوكردەوە.

وەزارەتی تەندروستی عیراق لە راگەیەنراوێكدا رایگەیاند: تاقیگەكانمان لە سەرجەم پارێزگاكانی عیراق لە ماوەی 24 سەعاتی رابردوو تەنها 956 حاڵەتی تۆماركردووە.

وەزارەتی تەندروستی ئەوەشی خستەڕوو: لە كاتێكدا 2279 حاڵەت چارەسەریان بۆ كراوەو یەك حاڵەتی گیان لە دەستدانیش تۆماركراوە. 

هاوكات ئەم ئامارە لە چاو ئاماری رۆژانی رابردوو كەمكردنەوەیەكی زۆر لە رێژەكاندا بەدیكراوە.

PUKmedia راگەیاندنی وەزارەتی تەندروستی عیراق