لەسەر پیس و پۆخڵی سێ كۆشكی چاڤیلاند دادەخرێن

بەهۆی پابەندنەبوون بەمەرج و رێنماییەكانی كاركردن لیژنە هاوبەشەكانی قائیمقامیەتی سلێمانی لە پرۆژەی گەشتیاری چاڤیلاند، سێ كافتریایان داخست. 

لە ڕاگەیەنراوێكدا قائیمقامیەتی سلێمانی ڕایگەیاند: لەدرێژەی هەڵمەتەكانی لیژنە هاوبەشەكانی قائیمقامیەتی سلێمانی بۆ پشكنینی ئەو كاڵا وشمەك و خزمەتگوزاریانەی لەلایەن دوكاندار و بازرگانەكانەوە بەهاوڵاتیان دەفرۆشرێت، ئەمڕۆ لیژنەكان سەردانی پڕۆژەی گەشتیاری چاڤیلاند كرد.

لەهەڵمەتەكەدا و بەهۆی نەبوونی مەرجەكانی تەندروستی و ڤێتێرنەری و رێنماییەكانی دیكەی كاركردن، لیژنە هاوبەشەكانی قائیمقامیەتی سلێمانی هەریەك لە كۆشكەكانی (MM) و (XV) و (B2) داخست.

PUKmedia راگەیاندنی قائیمقامیەتی سلێمانی