پەرلەمانی كوردستان ساڵیادی جینۆسایدی كوردانی ئێزدی بەرز رادەگرێت
کوردستان 03:11 PM - 2022-08-03
ئەمڕۆ چوار شەممە 3-8-2022، بەئامادەبوونی د. رێواز فایەق، سەرۆكی پەرلەمانی كوردستان و مونا نەبی قەهوەچی، سكرتێری پەرلەمان و سەرۆك و ئەندامانی پەرلەمانی كوردستان لە فراكسیۆنە جیاوازەكان، لە تەلاری پەرلەمان مەڕاسیمێكی شایستە بۆ یادی هەشت ساڵەی جینۆسایدكردنی كوردانی ئێزدی بەدەستی تیرۆریستانی داعش بەڕێوەچوو.
مەڕاسیمەكە كە سەرۆكی دیوان و جێگری سەرۆكی دیوان و راوێژكاران و مەیان خان خاتوونی یەكەمی ئێزیدخان و دایكە دایشەم خاوەنی 32 شەهیدی دەستی داعش و ژمارەیەك لە كچانی رزگاربووی دەستی داعش و ژمارەیەك لە میوانان و بەڕێوەبەران و فەرمانبەرانی بەشە جیاجیاكانی پەرلەمان ئامادەیبوون، بەساتێك وەستان بەبێدەنگی بۆ گیانی پاكی قوربانیانی ئەو مەرگەساتە و سەرجەم شەهیدانی كوردستان دەستیپێكرد، پاشان لەلایەن سوسن محەمەد میرخان، سەرۆكی لێژنەی كاروباری شەهیدان و جینۆساید و زیندانییانی سیاسی لە پەرلەمانی كوردستان، وتاری هاوبەشی هەردوو لێژنەی ناوچە كوردستانییەكانی دەرەوەی ئیدارەی هەرێم و لێژنەی كاروباری شەهیدان و جینۆساید و زیندانیانی سیاسی خوێندرایەوە و تێیدا داوایان لە حكومەتی عیراق كرد كە تازووە مادەی 140 ی دەستوور جیێبەجێ بكات و بەرپرسیارییەتیی خۆشی لە قەرەبووكردنەوەی ژیان و گوزەرانی هاووڵاتییانی ئەو ناوچانەی كە بوونە قوربانی ئەو تاوانانە و كارە جدیش بكات بۆ ئاوەدانكردنەوە و بنیادنانەوەی شنگال و دەوروبەری.
هەر لەوتەكەیاندا جەختیان لەسەر پابەندبوونی حكومەتی عیراقی بەو رێككەوتننانەی كە لەگەڵ حكومەتی هەرێمی كوردستان لەبارەی ئیدارەدانی ئەو ناوچانە و گەڕانەوەی ئاوارەكان بۆ زێدی خۆیان كردەوە. هەروەها داوایانكرد، كە كارەكان چڕتر بكرێنەوە بۆ دۆزینەوەی ونبووەكان و چارەنووسی ئەو 2717 ئێزدییانەش دیاری بكرێت كە تائێستا بێسەروشوێنن و كەسوكاریان بەئومێدەوە چاوەڕێی گەڕانەوەیانن.
لە بەشێكی دیكەی وتەكەیاندا جەختیان لەسەر پێویستی دادگایكردنی ئەو تۆمەتبارانە لە سەران و چەكدارانی داعش لە دادگایەكی نێودەوڵەتی یان نیشتیمانیدا بەبەشداریی نەتەوە یەكگرتووەكان كردەوە.
هەروەها داواشیان لە حكومەتی هەرێمی كوردستان كرد هەوڵەكانی زیاتر بخاتە گەڕ بۆ بەجیهانی ناساندنی ئەو كەیسە لەسەر ئاستی نێودەوڵەتی و دیاریكردنی چارەنووسی بێسەروشوێنكراوان و هەوڵدان بۆ گەڕانەوەی ئاوارەكانی بۆ شنگال و ناوچەكانی دەوروبەری.
دواتر لەلایەن سێ كچی رزگاربووی دەستی داعش، رەشەی ئێزدییەكانی شنگال رادەستی سەرۆكایەتی پەرلەمان كرا.
پاشان لەلایەن سەرۆكی پەرلەمان و سكرتێری پەرلەمان و سەرۆكی لێژنەی كاروباری شەهیدان و سەرۆكی لێژنەی ناوچە كوردستانییەكانی دەرەوەی ئیدارەی هەرێم و سەرۆكی دیوانی پەرلەمان و مەیان خان و دایكە دایشەم و كچێكی رزگاربووی دەستی داعش، هەشت مۆم بۆ رۆحی پاكی قوربانییانی ئەو مەرگەساتە داگێرسێنرا.
هەر لە مەڕاسیمەكەدا چەند چالاكی نمایش و لاواندنەوەیەك بۆ رۆحی پاكی قوربانی ئەو كارەساتە بەڕێوەچوو.
لە كۆتایی مەڕاسیمەكەشدا، پێشانگایەكی فۆتۆگرافی لەلایەن فۆتۆگرافەر مەحمود هەولێری و فۆتۆگرافەر حوسێن باعەدری، كرایەوە كە وێنەكانی گوزارشتیان لە گەورەیی ئەو مەرگەساتە دەركرد.
PUKmedia راگەیاندنی پەرلەمانی كوردستان
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
ئەمانەش ببینە
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
پرسەنامە 07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03 -
سەرۆک بافڵ لەگەڵ سەرۆکوەزیرانی عیراق کۆدەبێتەوە
عیراق 01:22 PM - 2024-05-03