چەند یەكەیەكی فریاكەوتنی خێرا لە كەركوك دەكرێنەوە

لە كۆبونەوەیەكدا لە شاری كەركوك كە رۆژی چوارشەممە بەڕێوەچوو، بڕیاردرا لەسەر كردنەوەی چەند یەكەیەكی فریاكەوتنی خێرا لەدەرەوەی شاری كەركوك.

كۆبوونەوەكە بەسەرپەرشتی عەلی حەمادی یاریدەدەری پارێزگاری كەركوك و نوێنەری دەزگا خزمەتگوزاریەكان بەڕێوەچوو، هاوكات بە بڕیاری ئەنجومەنی وەزیرانی عیراق یەكەی فریاكەوتنی خێرا لەشارەكان دەكرێتەوە.

دوای هەڵسەنگاندنی دۆخی كەركوك بڕیاردرا كەسێ یەكەی فریاكەوتنی خێرا لەدەرەوەی كەركوك بكرێتەوە، هاوكات رونیشكرایەوە كە ئەو یەكانە لەسەر رێگەی كەركوك -بەغدا و رێگەی  كەركوك-سلێمانی و رێگەی كەركوك - هەولێر دەكرێنەوە.

PUKmedia محەمەد ئەحمەد