شنگال..هەشتەمین ساڵڤەگەڕا جینۆسایدكرنا ئێزدیان

ئەڤرۆ هەشت ساڵ بسەر كارەساتا شنگال و جینۆسایدكرنا خەلكێ ئێزدی دەرباز دبن، كو ل سێی تەباخا ساڵا 2014 ل سەر دەستێ چەكدارێن ڕێكخستییا داعش هاتبوو ئەنجامدان و ب هزاران ژ خەلكێ ئێزدی هاتنە شەهیدكرن و ب هزاران كچ و ژن و زارۆك هاتنە سەبیكرن و ل بازاڕێن نەخخاسێ ل مووسل و ڕەققە و چەندین باژاڕێن كەتینە ژێردەستێ وێ ڕێكخستیێ كڕین و فروشتن ب كچ و ژنێن ئێزدی دهاتەكرن، و هەتا نوكە ژی هێشتا چارەنڤیسێ ب هزاران كچ و ژن و زارۆكێن ئێزدی یێ بەرزەیە و بدەهان هزار ئێزدی دناڤ كەكپێن ئاوارەبوونێدا دژین.

سعود مستو، ڕێڤەبەرێ‌ كاروبارێن ئێزدیان ل وەزارتا ئەوقاف و كاروبارێن ئایینی ئاشكرا كر، د كارەساتا شنگالدا، شەش هزار و 417 كوردێن ئێزدی ژلایێ داعشڤە هاتبوونە ڕەڤاندن، هەتا نوكە سێ هزار و 554 كەس هاتینە قورتالكرن، دهەشت ساڵێن دەربازبووییدا 83 گوڕێن بكۆمێن ئێزدیان هاتینە دیتن، دوو هزار و 745 زارۆك مایینە بێ دایك و باب، ل گورەی گوتنا سعود مستو، 135 هزار و 560 كوردێن ئێزدی هەتا نوكە ماینە دكەمپێن ئاوارەبوونێ ڤە، زێدەتر ژ 20% ژسەرجەمێ خەلكێ ئێزدی چووینە ژدەرڤەی وەڵاتی، تنێ ل ئەلمانیا نێزیكی 150 هزار كوردێن ئێزدی ئاكنجیبووینە.

ژلایەكێ دیڤە حسین قائیدی ، بەرپرسێ نڤیسینگەها رەڤاندیان ورزگاركرنا كەچ وژنێن ئێزدی راگەهان كو كارێ وان بو رزگاركرنا وان كچ وژنێن ئێزدی بەردەوامە و پیزانین هەنە كو هێشتا ئەو رەڤاندی ل كەمپا هولێ ل سوریا وكەمپێن دی ماینە زێدەبارێ دیاربونا زێدەتر ژ هەشتی گورێن ب كوم وم 33 ژوانا هاتینە هەلكولان ونها كارل سەر ڤەدیتنا گورین دی ێن ب كومەل دكەن 
هەژیە بێژین كو تانوكە خەلكێ شنگالێ وكەس وكارێن وان داخاز دكەن كەسین بێ سەرو شین بهینە دیتن وكەس وكارێن وان بهێنە قەرەبوكرن. 

PUKmedia بەیار ئامێدی