شنۆ ئەشقی سوورچی: یاسایا مافێ ب كاربەری هەیە و كار پێ ناهێتە كرن

ئەندامەكا پەڕلەمانێ كوردستانێ ژ فراكسیۆنا ی ن ك دبێژیت: هژمارا تووشبوونێ ب نەخۆشییا پەنجەشێرێ ب ئاوایەكێ مەترسیدار ل هەرێما كوردستانێ بلند بوویە و بازاڕێن هەرێمێ پڕ بووینە ژ خوارنێ، سەختە و قەچاغ.
شنۆ ئەشقی سوورچی ئەنداما لیژنا ساخلەمی و ژینگەهێ و مافێ ب كاربەری ل پەڕلەمانێ كوردستانێ دبێژیت: نەهـ سالە ئامیرێ پشكنینا پێكهاتەیێن پەنجەشێرێ و پێكهاتەیێن پاراستنێ ل كوالێتییا جۆرێن ئاهێن خوارنێ ژ كار كەڤتییە و ب بەهانەیێن بێ بنەما ناهێتە چاك كرن، هەروەسا یاسایا مافێ ب كاربەری ل پەڕلەمانێ كوردستانێ دەركەڤتییە، لێ چەندین سالە كار پێ ناهێتە كرن.
وێ پەڕلەمانتارێ گۆت ژی: ئاسایشا خوارنێ د ئاستەكێ گەلەك خرابدایە و هژمارا تووشبوونێ ب نەخۆشییا پەنجەشێرێ ل هەرێمێ بۆ ئاستەكێ مەترسیدار بلند بوویە و بازاڕیـَن هەمی باژێڕ و باژێڕكێن هەرێمێ پڕ بووینە ژ ئاهێن خوارنێ یێن قەچاغ و سەختە و دەمێ ژ لایێ لیژنەیێن پەیوەندیدار ڤە دهێنە دەستەسەر كرن ژی، كەیسێن وان ل دادگەهان ناهێنە ئێكلا كرن.
PUKmedia بەیار ئامێدی