نرخی ئەمپێری موەلیدە بۆ مانگی تەمموز دیاریكرا

نرخی هەر سەعاتێك ئەمپێری كارەبای موەلیدە لە مانگی رابردوودا 66 دینار دەبێت، هاوكات بەپێی خشتەی پێدانی كارەبای موەلیدە ئەم مانگەش 24 سەعات كارەبا دابین دەكرێت.

ئەمڕۆ دوو شەممە لیژنەی دیاریكردنی نرخی موەلیدە ئەهلییەكان كۆبووەوە، بە گوێرەی نرخی گازوایل نرخی سەعاتێك ئەمپێری موەلیدە بە 66 دینار بۆ مانگی تەمموز دیاریكرا، كەبە تێكڕایی موەلیدە ئەهلییەكان لەنێوان 240 بۆ  265 سەعات كاریان كردووە، بەمەش نرخی ئەمپێرێك كارەبا لەنێوان 16 هەزار بۆ 17 هەزار و 500 دینار دەبێت و نرخی ئەمپێڕێكیش لە گەڕەكێك بۆ گەڕەكێكی دیكە جیاوازە بەو پێیەی بەپێی ئەو پێوەرە هەژماردەكرێت كە بۆ موەلیدەكان دانراوە و سەعاتی كاركردنیان تۆمار دەكات.

سەبارەت بە بەرنامەی كاركردنی موەلیدەكان بۆ مانگی ئاب، هەركاتێك كارەبای نیشتمانی كوژایەوە پێویستە موەلیدە ئەهلییەكان كارەبا بۆ هاووڵاتیان دابین بكەن‌، لە كۆبوونەوەكەشدا ئەو خاڵە دووپاتكرایەوە، كە پێویستە پاش كوژانەوەی كارەبای نیشتمانی 10 خولەك زیاتر بەسەر كارپێكردنی موەلیدە تێنەپەڕێت، بەپێچەوانەوە سەرپێچیكار روبەڕووی یاسا دەكرێتەوە.

PUKmedia راگەیاندنی بەڕێوەبەرایەتی گشتی كارەبای سلێمانی