یەكەم حاڵەتی ئاوڵەی مەیموون لە سودان تۆمار دەكرێت

وەزارەتی تەندروستی سودان رایگەیاند، یەكەم حاڵەتی ئاوڵەی مەیموون كە تۆماركرا، خوێندكارێكی 16 ساڵانە كە دانیشتوی رۆژئاوای دارفوری سودانە.

وەزارەتی تەندروستی سودان رایگەیاند: ئەمڕۆ دوو شەممە 1-8-2022، یەكەم حاڵەتی ئاوڵەی مەیموون لە رۆژئاوای دارفوری سودان تۆماركرا، هاوكات توشبووی حاڵەتەكە خوێندكارێكی 16 ساڵانە و نیشانەكانی نەخۆشیەكەی هەیە و پشكنینەكەشی بۆ كراوە و دەركەوتووە كە توشبووی نەخۆشی ئاوڵەی مەیموونە.

وەزارەتەكە ئەوەشی خستەڕوو: حاڵەتەكە رۆژی پێنج شەممەی رابردوو داخڵی نەخۆشخانەكە كرابوو چونكە نیشانەكانی هەبوو، بەڵام دوای پشكنین و دڵنیا بوونەوە ئەمڕۆ یەكەم حاڵەتی ئاوڵەی مەیمون لە سودان رادەگەیەنین.

PUKmedia ئاژانسەكان