هەرێم.. ژمارەی توشبووان بە كۆرۆنا بەشێوەیەكی بەرچاو كەمیكردووە

وەزارەتی تەندروستی حكومەتی هەرێمی كوردستان ئاماری نوێی سەبارەت بەپەتای كۆرۆنا بڵاوكردەوە و رایگەیاند لە 24 سەعاتدا 193 تووشبووی نوێی تۆماركراون بەجۆرێك 131 حاڵەتیان لە دهۆك و 31لە هەولێر و 28 لە سلێمانی و 3 حاڵەتیشیان لە گەرمیان بووە.

تەندروستی هەرێم ئاماژەی بەوەشداوە لە 24 سەعاتەدا هیچ تووشبوویەكی پەتاكە گیانی لەدەستنەداوە و 435 توشبووش چاكبوونەتەوە، بەپێی نوێترین ئامار كۆی گشتی توشبووانی كۆرۆنا لە هەرێمی كوردستان گەیشتۆتە 460 هەزار و 874 حاڵەت و لەو ژمارەیە 444 هەزار و 597 تووشبوو چاكبوونەتەوە و حەوت هەزار و 458 تووشبووی پەتاكەش گیانیان لەدەستداوە. 

PUKmedia