روفاتی 100 ئەنفالكراو دەگەڕێنرێنەوە

بڕیارە یەك شەممەی داهاتوو، 100 روفاتی بارزانییەكان لە بەغداوە بۆ هەرێمی كوردستان بگەڕێنرێنەوە.

سەرچاوەیەك بە PUKmedia ی راگەیاند: لە رێوڕەسمێكی تایبەتدا رۆژی یەكشەممەی داهاتوو روفاتی 100 ئەنفالكراوی بارزانییەكان لە رێگەی فڕۆكەخانەی نێودەوڵەتی هەولێرەوە دەگەڕێنرێنەوە هەرێمی كوردستان، هاوكات روفاتەكانيان لە بیابانەكانی عەرعەر لە باشووری عیراق لە گۆڕێكی بە كۆمەڵدا دۆزراونەتەوە.

سەرچاوەكە ئەوەشی خستەڕوو: لە بەغدا پشكنینی DNA بۆ روفاتەكان كراوە، بەمەبەستی ئاشكراكردنی رەگەزنامەكانیان پێش گەرانەوەی روفاتەكان بۆ هەرێمی كوردستان.

PUKmedia تایبەت